Gujarati News

Gujarati News

News of Saturday, 5th June 2021

ધોનીના ઘરે એક મહિનાની અંદર આવ્યો એક નવો મહેમાન :પત્ની સાક્ષીએ શેયર કરી તસ્વીર

તેમના ઘેર આવનારા નવા મહેમાનનું નામ ચેતક રાખ્યું

મુંબઈ : ટીમ ઇન્ડિયાને પૂર્વ કેપ્ટન મહેન્દ્ર સિંહ ધોની ઉર્ફે કેપ્ટન માહીને ત્યાં નવા મહેમાનની એન્ટ્રી થઇ. છે. જેની સાક્ષી ધોનીએ જીવાના  ઇંસ્ટાગ્રામ પર ખુશી ખુશી માહિતી પર શેર કરી છે. સાથે જણાવ્યું કે તેમના ઘેર આવનારા નવા મહેમાનનું નામ ચેતક રાખ્યું છે. કોરોનાને કારણે ઇન્ડિયન પ્રિમીયર લીગ ની  14મી સીઝન અધવચ્ચે જ બંધ થઇ ગઇ. હવે ક્રિકેટરો રિલેક્સ મૂડમાં છે. ત્યારે ધોની પણ તેના ચેન્નાઇના સાથી ગુજ્જુ રવિન્દ્ર જાડેજાના પગલે ચાલ્યો છે.

સાક્ષીએ ચેતકનો વીડિયો શેર કરી લખ્યું કે ઘરમાં તમારુ સ્વાગત છે ચેતક, તમે લીલી (ધોનીના ડોગનું નામ)ને મળ્યા તો તમે એક જેન્ટલમેન જેવો વ્યવહાર કર્યો. તમારું હંસી-ખુશી અમારા પરિવારમાં સ્વાગત કરવામાં આવે છે

વાસ્તવમાં મહેન્દ્ર સિંહ ધોનીને બાઇકનો બહુ શોખ છે. તે સર્વવિદિત છે. પરંતુ આ વખતે તેણે જરા હટકે પરંતુ રવિન્દ્ર જાડેજાને પગલે ચાલી તેનુ અનુકરણ કર્યું છે.

 બાપુ જાડેજાને ઘોડાઓનો ગાંડો શોખ છે. તેના માટે ટીમ ઇન્ડિયાના સ્ટાર ઓલરાઉન્ડરે પોતાના ફાર્મ હાઉસમાં જ ઘોડા માટે એક અલગ ફાર્મ બનાવી દીધું. જાડેજા જ્યારે ગુજરાતમાં પોતાના ઘેર હોય ત્યારે આ ઘોડાની જાતે દેખરેખ રાખવાનું બહુ પસંદ કરે છે.

હવે બાઇક શોખીન ધોની પણ જાડેજાના પગલે ચાલી રહ્યો છે. આમ તો ધોનીના રાંચીના ફાર્મ હાઉસમાં સ્ટ્રોબેરી લઇ તમામ પ્રકારના શાકનું વાવેતર થાય છે. ધોનીની ઓર્ગેનિક ખેતીના ચર્ચા પણ આખા વિશ્વમાં છે. અહીં ઉગાડાયેલા શાક દુબઇ અને અન્ય દેશોમાં એક્સપોર્ટ કરવમાં આવે છે. ચેતકને પણ આ ફાર્મહાઉસનો જ એક સભ્ય બનાવવામાં આવ્યો છે.

હવે ચેતક વિષે જાણીએ તો ચેતક એક ઘોડો છે. જેને ધોની અને સાક્ષીએ પોતાના પરિવારનો હિસ્સો બનાવ્યો છે અને તેના માટે ફાર્મ હાઉસમાં વ્યવસ્થા પણ કરી છે. નોંધનીય છે કે આઇપીએલની 14મી સીઝન કોરોનાની ભેટ ચઢી ગઇ

(10:28 am IST)
  • કેરળમાં આજથી પાંચ દિવસનું આકરું લોકડાઉન શરૂ : કેરળમાં આજે ૫ થી ૯ જૂન સુધી વધુ કડક લૉકડાઉન શરૂ, સંક્રમણ દર ઓછો કરવા સરકારની કવાયત access_time 11:37 am IST

  • વેસ્ટબેંગાલ : લશ્કરી ગુપ્તચર ઇનપુટ પરથી કોલકાતાના હેસ્ટિંગ્સમાં બીજેપી ઓફિસ પાસેથી 50 જીવતા બૉમ્બ મળી આવ્યા છે. access_time 12:03 am IST

  • સાબરકાંઠાઃ યાત્રાધામ ખેડબ્રહ્માનુ અંબાજી મંદિર 12 જૂન સુધી દર્શનાર્થી માટે બંધ રહેશે : કોરોનાને કારણે મંદિર ટ્રસ્ટ દ્વારા લેવાયો નિર્ણય access_time 12:45 am IST