Gujarati News

Gujarati News

News of Thursday, 10th September 2020

રેસિંગ પોઇન્ટ સાથે ચાર વખતના વર્લ્ડ ચેમ્પિયન સેબેસ્ટિયન વેટ્ટેલે કર્યો કરાર

નવી દિલ્હી: ચાર વખતના ફોર્મ્યુલા વન વર્લ્ડ ચેમ્પિયન સેબેસ્ટિયન વેટ્ટેલ આગામી સીઝનથી રેસ પોઇન્ટ ટીમમાં જોડાશે. રેસિંગ પોઇન્ટ ટીમનું નામ પણ એસ્ટન માર્ટિન રાખવામાં આવશે. રેસીંગ પોઇન્ટની ટીમ અગાઉ ફોર્સ ઇન્ડિયા તરીકે જાણીતી હતી. ટીમે ગુરુવારે તેની જાહેરાત કરી હતી. એક દિવસ પહેલા, ડ્રાઇવર સર્જિયો પેરેઝે ટીમમાંથી વિદાય લેવાની જાહેરાત કરી હતી. ટીમે કહ્યું કે વેટ્ટેલે 2021 સીઝન અને તેનાથી આગળના સમય માટે કરાર કર્યા હતા, પરંતુ કરારનો સમય જાહેર કર્યો નથી. ટીમે એક નિવેદનમાં કહ્યું, "સેબેસ્ટિયન સાથે કરારથી તે સ્પષ્ટ થાય છે કે ટીમ પોતાને રમતના સૌથી વધુ સ્પર્ધાત્મક નામ તરીકે સ્થાપિત કરવા માંગે છે." તે મોટરસ્પોર્ટના શ્રેષ્ઠ અને આદરણીય ડ્રાઇવરોમાંનું એક છે અને જાણે છે કે ટોચનાં સ્તર પર જીતવા માટે શું જરૂરી છે. '

(5:54 pm IST)