Gujarati News

Gujarati News

News of Friday, 11th June 2021

ધવનને પ્રમોશન : શ્રીલંકાના પ્રવાસમાં કેપ્ટન બનાવાયો

શ્રીલંકાના ટૂરમાં ટીમ ઈન્ડિયા ત્રણ વન-ડે, ત્રણ ટી-૨૦ મેચોની સીરીઝ રમશે : ઋતુરાજ ગાયકવાડ, ઈશાન કિશન, સેમસન, ગૌતમ, ચેતન સાકરીયા સહિત યુવા ખેલાડીઓનો સમાવેશ

નવી દિલ્હી : ભારતની યુવા ટીમ શ્રીલંકાના પ્રવાસે જનાર છે. જેમાં ટીમ ઈન્ડિયાના ઓપનીંગ બેટ્સમેન ધવનને પ્રમોશન આપવામાં આવ્યુ છે. તેને કેપ્ટન બનાવાયો છે. ભારતની ટીમ શ્રીલંકામાં ત્રણ વન-ડે અને ત્રણ ટી-૨૦ મેચોની સીરીઝ રમનાર છે. આ સિવાય ઉભરતા ખેલાડીઓનો ટીમમાં સમાવેશ કરવામાં આવ્યો છે. શિખર ધવન (કેપ્ટન), પૃથ્વી શો, દેવદૂત પડીકલ, ઋતુરાજ ગાયકવાડ, સૂર્યકુમાર યાદવ, મનીષ પાંડે, હાર્દિક પંડ્યા, નીતીશ રાણા, ઈશાન કિશન (વિકેટકીપર), સંજુ સેસસન (વિકેટકીપર), યજુવેન્દ્ર ચહલ, રાહુલ ચાહર, કે. ગૌથમ, કૃણાલ પંડ્યા, કુલદીપ યાદવ, વરૂણ ચક્રવર્તી, ભુવનેશ્વર કુમાર, દીપક ચાહર, નવદીપ સૈની અને ચેતન સાકરીયા.

(11:39 am IST)
  • ગુજરાતમાં કોરોનાની બીજી લહેર પુરી થવાના આરે - આજે ઘણા મહિને રાજ્યમાં 500ની અંદર નવા કોરોના કેસ નોંધાયા : રાજ્યમાં નવા કોરોના કેસ ઘટીને આજે ફક્ત 481 નોંધાયા અને સામે 1526 દર્દીઓ સાજા થયા : આ સાથે આજે રાજકોટ શહેર - જિલ્લામાં પણ કોરોના થાક્યો : આજે સાંજ સુધીમાં રાજકોટ શહેરમાં 24 અને ગ્રામ્યના 10 કેસ સાથે કુલ ફક્ત 34 નવા કોરોના ના કેસ નોંધાયા : અને સાથે રાજકોટ શહેર - જિલ્લામાં આજે કુલ 41 દર્દીઓ સાજા થયા access_time 7:46 pm IST

  • અમેરિકાના ફૂડ એન્ડ ડ્રગ એડમિનિસ્ટ્રેશન (USFDA) એ ભારતની કોવેકસીન રસી લોન્ચ કરવામાં વિલંબ કરતાં કોવેકસીન રસીના અમેરિકામાં ઇમરજન્સી યુઝ ઓથોરાઇઝેશન ની ભારત બાયોટેકની દરખાસ્તને નકારી કાઢી છે. ભારત બાયોટેકના યુએસ પાર્ટનર ઓક્યુજને ગુરુવારે કહ્યું હતું કે કંપની હવે કોવેક્સિનની સંપૂર્ણ મંજૂરી માંગશે. USFDA દ્વારા કંપનીને વધારાની ટ્રાયલ શરૂ કરવા કહેતા, આના પરિણામેં હવે કંપની બાયોલોજીક્સ લાઇસન્સ એપ્લિકેશન (BLA) માટે ફાઇલ કરી શકશે, જેને અમેરિકામાં સંપૂર્ણ મંજૂરી ગણાય છે. access_time 11:58 am IST

  • અહો આશ્ચર્યમ !! ઇઝરાઇલના યેવ્નીમાં ખોદકામ દરમિયાન 1000 વર્ષ જૂનું મરઘીનું અખંડ ઇંડું મળી આવ્યું છે. એક પુરાતત્ત્વવિદે જણાવ્યું હતું કે, "આ ઇંડાની અનન્ય જાળવણી દેખીતી રીતે નરમ માનવ મળ ધરાવતા સેસપિટમાં, તે સદીઓથી મૂકેલી સારી પરિસ્થિતિઓને કારણે હતી અને આ ઈંડાને આટલા વર્ષો જાળવી રાખવામાં મદદરૂપ બની હતી." અન્ય એક પુરાતત્ત્વવિદે કહ્યું કે, "ઇંડામાં એક નાની તિરાડ હતી, જેના લીધે મોટાભાગનું પ્રવાહી તેમાંથી બહાર નીકળી ગયું હતું." access_time 5:50 pm IST