Gujarati News

Gujarati News

News of Friday, 11th June 2021

રશિયાની પાવલ્યુચેન્કોવા ફાઈનલમાં પ્રવેશી

પેરિસઃ રશિયાની અનાસ્તાસિયા પાવલ્યુચેન્કોવાએ સ્લોવેનિયાની તામારા ઝિદાન્સેકને ૭-૫, ૬-૩થી હરાવીને ફ્રેન્ચ ઓપન વિમેન્સ સિંગલ્સની ફાઈનલમાં પ્રવેશ મેળવી લીધો હતો. પાવલ્યુચેન્કોવાની આ સૌપ્રથમ ગ્રાન્ડ સ્લેમ ફાઈનલ છે. હવે શનિવારે રમાનારી ફાઈનલમાં તેનો મુકાબલો ગ્રીસની મારિયાસાક્કારી અને ચેક રિપબ્લિકની બાર્બોરા ક્રેજીકોવા વચ્ચેની મેચના વિજેતા સામે થશે.

 ૨૯ વર્ષની પાવલ્યુચેન્કોવાએ ગ્રાન્ડ સ્લેમમાં પ્રવેશ મેળવ્યાના ૧૪ વર્ષ બાદ સિંગલ્સ ઈવેન્ટની ફાઈનલમાં પ્રવેશ મેળવવામાં સફળતા હાંસલ કરી છે. એક દાયકા અગાઉ તે ફ્રેન્ચ ઓપનની કવાર્ટર ફાઈનલ સુધી પહોંચી હતી. આ સાથે તે કારકિર્દીની ૫૨મી ગ્રાન્ડ સ્લેમ રમતાં ફાઇનલમાં પ્રવેશનારી સૌપ્રથમ મહિલા ખેલાડી બની છે. અગાઉ આ રેકોર્ડ રોબેર્ટા વિન્સીના નામે હતો. જે ૨૦૧૫માં યુએસ ઓપનની ફાઇનલમાં પ્રવેશી તે પૂર્વે ૪૪ મેજર ટુર્નામેન્ટ રમી ચૂકી હતી.

 ૨૦૧૪ પછી પહેલી વખત રશિયન ટેનિસ સ્ટાર ફ્રેન્ચ ઓપનની ફાઈનલમાં પ્રવેશી છે. છેલ્લે આવી સિદ્ધિ મારિયા શારાપોવાએ હાંસલ કરી હતી.

(3:19 pm IST)
  • એક લાખ કરોડ રૂપિયાના IL&FS કૌભાંડમાં માસ્ટર માઈન્ડ અને ઈન્ફ્રાસ્ટ્રક્ચર લીઝિગ એન્ડ ફાઈનાન્સિયલ સર્વિસ પૂર્વ ચેરમેન રવિ પાર્થશારથીની ધરપકડ : ચેન્નાઈ પોલીસની અપરાધ શાખા એ ધરપકડ કરી :ઈકોનોમિક ઓફિસ (EOW)એ કહ્યું કે પૂર્વ ચેરમેન રવિ પાર્થસારથીના નેતૃત્વમાં IL&FS ફ્રોડ કરવાનું મુખ્ય મથક બની ગયું હતું. access_time 12:41 am IST

  • સુપ્રીમ કોર્ટે AIIMS દ્વારા લેવાતી INI CET પરીક્ષા 2021 ને, કોરોના પરિસ્થિતિના કારણે, એક મહિના માટે મુલતવી રાખવાનો આદેશ આપ્યો છે. કોર્ટે સ્પષ્ટતા કરી છે કે, આ પરીક્ષા, જે 16 જૂને યોજાવાની હતી, હવે એક મહિનાની સમાપ્તિ પછી કોઈપણ સમયે યોજી શકશે. access_time 1:32 pm IST

  • ઈન્સ્ટીટ્યૂટ ઓફ કિડની ડિસીસ એન્ડ રિસર્ચ સેન્ટર, (IKDRC)અમદાવાદએ નવા ચાર ડાયાલિસિસ કેન્દ્રનો શુભારંભ કર્યો છે. ગાંધીનગર જિલ્લામાં કલોલ, માણસામાં, જામનગરમાં જામજોધપુરમાં અને મોરબીમાં વાંકાનેરમાં ડાયાલિસિસ કેન્દ્ર શરુ કરવામાં આવ્યા છે. આ કેન્દ્ર આરઓ પ્લાન્ટ સુવિધા સાથે 21 અત્યાધુનિક મશીનથી સજ્જ છે. ઉલ્લેખનીય છે કે ગુજરાત ડાયાલિસિસ પ્રોગ્રામ હેઠળ ગુજરાતના ઈએસઆરડી દર્દીઓને નિશુલ્ક ડાયાલિસિસ પ્રદાન કરવામાં આવે છે. ગુજરાત ડાયાલિસિસ પ્રોગ્રામ (જીડીપી) ભારતમાં સૌથી મોટું નેટવર્ક ધરાવે છે. જેમાં 51 કેન્દ્ર ચાલે છે. જે 500 ડાયાલિસિસ મશીનથી સજ્જ છે. અહીં વર્ષમાં 3 લાખથી વધુ ડાયાલિસિસ કરે છે. access_time 9:33 am IST