Gujarati News

દુબઇઃ ટી-૨૦ વર્લ્ડકપના સેમીફાઇનલ મેચમાં ઓસ્ટ્રેલિયાની ઇનિંગ દરમિયાન એક એવી ઘટના બની, જેણે બધાને ચોંકાવી દીધા હતા. ઓસ્ટ્રેલિયાની બેટિંગ દરમિયાન આઠમી ઓવરમાં હફીઝ ઓવર નાખવા આવે છે. પહેલો જ બોલ તેનો હાથ છોડીને બે ટૉપમાં સ્ટ્રાઇક પર રહેલા ડેવિડ વૉર્નર સુધી પહોંચ્યો.  લેગ-સ્ટમ્પની બહાર જતા બોલ પર વોર્નર બોલ સુધી પહોંચ્યો અને ડીપ મિડવિકેટ પર લાંબી સિકસ ફટકારી.   અમ્પાયરે તે નો બોલ જાહેર કર્યો અને ઓસ્ટ્રેલિયાને સાત રન મળ્યા.  વોર્નરે ફ્રી હિટ પર બે રન લીધા હતા. એકંદરે, પ્રથમ બોલ પર ૯ રન આવ્યા. આ ઓવરમાં ઓસ્ટ્રેલિયાએ ૧૩ રન બનાવ્યા હતા.   વોર્નરના આ શોટ બાદ હાફિઝ અમ્પાયર પાસે પહોંચ્યો અને તેની સાથે વાત કરવા લાગ્યો.  તેણે કહેવાનું શરૂ કર્યું કે તેના હાથમાંથી બોલ સરકી ગયો છે, તેથી આ બોલને ડેડબોલ જાહેર કરવો જોઈએ, પરંતુ અમ્પાયરે તેની વાત ન માની અને નિયમો અનુસાર તેને નો બોલ કહેવામાં આવ્યો.  ચુકાદો પાકિસ્તાનની વિરુદ્ધ ગયો હતો.