Gujarati News

નવી દિલ્‍હીઃ બિશનસિંહ બેદીની તબિયત એક સ્‍ટ્રોકને કારણે થોડા દિવસથી સારી નથી રહેતી.  જોકે તેમના કેટલાક મિત્રો કહે છે કે બેદીસાહેબની તબિયત હવે સુધારા પર છે.  દ્રવિડને આ વાતની જાણ થઇ એટલે તે ‘‘સરદાર ઓડ  સ્‍પિન'' ને મળવા તેમના નિવાસ સ્‍થાને પહોચી ગયો અને તેમની સાથે ઘણી વાતો કરી હતી.

બેદીના પુત્રી નેહાએ ટ્‍વિટર પર મૂકેલી આ તસવીરમાં આ બે મહાન ક્રિકેટરોની પાછળ અનેક પુસ્‍તકો જોઇ શકાય છે. એવું લાગે છે કે બેદીસાહેબે એમાંના મોટા ભાગના પુસ્‍તકો વાંચી નાખ્‍યાં હશે. નેહા બેદીએ ટ્‍વીટમાં લખ્‍યું કે ‘ક્રિકેટના બે અલગ યુગના આ બે લેજન્‍ડ્‍સ વચ્‍ચે થઇ મુલાકાત'‘બેમિસાલા!' બેદીસાહેબ જેવા સ્‍પષ્‍ટવકતા બીજા કોઇ નથી એટલે આપણે આશા રાખીએ કે તેઓ ફરી સાજા થઇને પોતાના સુંદર વિચાર પ્રગટ કરવા ટ્‍વિટર પર કામબેક કરશે.