Gujarati News

Gujarati News

News of Wednesday, 14th April 2021

રોહિતની અટેકીંગ ફિલ્ડીંગ કામ કરી ગઇ

કોલકતાને છેલ્લા ૩૦ બોલમાં ૩૧ રનની જરૂર હતી અને ૬ વિકેટ હાથમાં હતી, પણ ચાહર-કૃણાલ-બુમરાહ અને બોલ્ટે બાજી પલટી નાખીઃ ૧૦ રનથી મુંબઇની સીઝનની પ્રથમ જીતઃ રાહુલ ચાહર હીરો

આઇપીએલમાં ગઇ કાલે ચેમ્પિયન મુંબઇ ઇન્ડિયન્સે કમાલનું કમબેક કરતાં કલકત્તાના હાથમાં આવેલી બાજી છીનવી લઇને ૧૦ રને ૧૪મી સીઝનમાં જીતનું ખાતું ખોલાવ્યું હતું. મુંબઇએ આપેલા ૧પ૩ રનના ટાર્ગેટ સામે એક સમયે ૧પ ઓવરમાં ૪ વિકેટે ૧રર રન બનાવી લીધા હતા અને બાકીના ૩૦ બોલમાં ૩૧ રન બનાવવા હતા.

કલકત્તાની જીત પાકકી જ લાગી રહી હતી ત્યારે મુંબઇના બોલરોએ ચતુર કેપ્ટન રોહિત શર્માના ગેમ-પ્લાનને યોગ્ય સાથ આપતાં ૧૦ રનથી યાદગાર જીત મેળવી આપી હતી. રોહિતની અટેકિંગ ફીલ્ડીંગ અસર કરી ગઇ હતી અને કલકત્તા એમાં બરાબરનું ફસાયું હતું. કલકત્તા આખરે ર૦ ઓવરમાં ૭ વિકેટે ૧૪ર રન જ બનાવી શકયું. ર૭ રનમાં ચાર વિકેટ સાથે રાહુલ ચાહર મેન ઓફ ધ મેચ બન્યો હતો.

(3:07 pm IST)
  • સુરત શહેર જિલ્લામાં આજે બપોર સુધીમાં : નવા ૪૨૭ કેસ નોંધાયા જેમાં સુરત શહેરના ૩૪૨ અને જિલ્લાના ૮૫ access_time 1:17 pm IST

  • દેશમાં કોરોનાના કેસમાં ભયાનક ઉછાળો : પહેલીવાર મૃત્યુઆંક 1 હજારથી વધુ : એક્ટિવ કેસમાં ધરખમ વધારો : રોજ નવા રેકોર્ડ સર્જતાં કેસથી ભારે ફફડાટ : રાત્રે 12 વાગ્યા સુધીમાં કોરોનાના નવા 1,85,104 કેસ નોંધાયા :કુલ કેસની સંખ્યા 1,38,71,321 થઇ :એક્ટિવ કેસ 13,60,867 થયા : વધુ 82,231 દર્દીઓ સ્વસ્થ થતા કુલ 1,23,32,688 સાજા થયા :વધુ 1026 લોકોના મોત સાથે કુલ મૃત્યુઆંક 1,72,115 થયો : દેશમાં મહારાષ્ટ્રમાં સૌથી વધુ 60,212 નવા કેસ નોંધાયા છે જયારે ઉત્તર પ્રદેશમાં 17,963 કેસ, છત્તીસગઢમાં 15,121 કેસ, દિલ્હીમાં 13,468 કેસ અને કર્ણાટકમાં 8778 કેસ નોંધાયા access_time 12:45 am IST

  • કાલે ઉત્તર પ્રદેશમાં પંચાયત ચૂંટણીનું પ્રથમ તબક્કાનું મતદાન : રાજ્ય ચૂંટણી આયોગના આંકડા મુજબ 18 જિલ્લામાં 51176 પોલિંગ બુથ પર મતદાન : 18 જિલ્લાના 31,64,162 મતદારો સવારે 7 થી સાંજે 6 દરમિયાન પોતાના મતાધિકારનો કરશે ઉપયોગ : અયોધ્યા, આગ્રા, કાનપુર, ગાઝિયાબાદ અને ગોરખપુરમાં થશે મતદાન access_time 12:39 am IST