Gujarati News

Gujarati News

News of Saturday, 16th January 2021

પદાર્પણ મેચમાં ટી. નટરાજને બનાવ્‍યો રેકોર્ડ બનાવી આર.પી. સિંહની ક્‍લબમાં સામેલ થયો

બ્રિસબેનઃ ઓસ્ટ્રેલિયા વિરુદ્ધ બ્રિસબેનમાં પોતાના ટેસ્ટ કરિયરની શરૂઆત કરનાર ડાબા હાથના ફાસ્ટ બોલર ટી નટરાજનએ પોતાના નામે એક ખાસ ઉપલબ્ધિ મેળવી છે, નટરાજને સિરીઝની ચોથી અને અંતિમ ટેસ્ટ મેચની પ્રથમ ઈનિંગમાં ઓસ્ટ્રેલિયાની 3 વિકેટ પોતાના નામે કરી હતી. યજમાન ટીમ બીજા દિવસે પ્રથમ ઈનિંગમાં 369 રન બનાવી ઓલઆઉટ થઈ હતી.

તમિલનાડુના બોલર નટરાજન માટે છેલ્લા ત્રણ મહિના કોઈ સપના જેવા રહ્યાં છે. 29 વર્ષના નટરાજનને ઓસ્ટ્રેલિયાના પ્રવાસ પર નેટ બોલર તરીકે મોકલવામાં આવ્યો હતો. આ પ્રવાસ પર ઘણા ખેલાડીઓ ઈજાગ્રસ્ત થયા બાદ નટરાજનને યજમાન ટીમ વિરુદ્ધ ક્રિકેટના ત્રણેય ફોર્મેટમાં પર્દાપણ કરવાની તક મળી હતી.

નટરાજન ઓસ્ટ્રેલિયામાં ત્રણેય ફોર્મેટ (T20I,ODI,Test)માં પર્દાપણ કરનાર ભારતનો પ્રથમ ક્રિકેટર બની ગયો છે. ઓવરઓલ મામલામાં નટરાજન આ સિદ્ધિ હાસિલ કરનાર 17મો ખેલાડી છે. એક સીઝનમાં આ કારનામુ કરનાર નટરાજન હમવતન ભુવનેશ્વર કુમાર બાદ બીજો ક્રિકેટર છે.

આરપી સિંહની ક્લબમાં થયો સામેલ

આ સાથે નટરાજન ભારતના પૂર્વ પેસર આરપી સિંહ (RP Singh)ની વિશિષ્ટ ક્લબમાં સામેલ થઈ ગયો છે. આ પહેલા ઓસ્ટ્રેલિયાના ફાસ્ટ બોલર જોશ હેઝલવુડે પોતાના પર્દાપણ ટેસ્ટમાં 78 રન આપી 3 વિકેટ ઝડપી બધાને પ્રભાવિત કર્યા હતા.

નટરાજન (3/78) પર્દાપણ ટેસ્ટની એક ઈનિંગમાં સૌથી વધુ વિકેટ ઝડપનાર ભારતનો બીજો લેફ્ટ આર્મ ફાસ્ટર બની ગયો છે. આ લિસ્ટમાં આરપી સિંહ પ્રથમ નંબર છે, જેણે પાકિસ્તાન વિરુદ્ધ 2005/06માં 89 રન આપીને ચાર વિકેટ ઝડપી હતી.

ઓસ્ટ્રેલિયાએ ટોસ જીતીને પ્રથમ બેટિંગ કરતા પોતાની પ્રથમ ઈનિંગમાં 369 રન બનાવ્યા હતા. હાલ ચાર મેચોની ટેસ્ટ સિરીઝ 1-1ની બરોબરી પર છે.

(4:56 pm IST)
  • આજે દિલ્હીમાં કોરોના રસીકરણ બાદ આડઅસરોના કુલ 52 કેસ નોંધાયા છે, જેમાં 51 કિસ્સાઓમાં સામાન્ય આડઅસર સામે આવી છે જ્યારે 1 ગંભીર કેસ સામે આવ્યો છે તેમ દિલ્હી સરકારે જાહેર કર્યું છે. access_time 11:03 pm IST

  • દેશભરમાં આજે 1,65,714 લોકોને કોરોનાની રસી આપવામાં આવી હતી : રસીકરણ પછી હજી સુધી એકપણ વ્યક્તિને આડઅસર થઈ હોય કે હોસ્પિટલમાં દાખલ થયા હોય તેવું સામે નથી આવ્યું તેમ કેન્દ્રીય આરોગ્ય મંત્રાલયે જણાવ્યું છે. access_time 7:42 pm IST

  • કેરળમાં ચૂંટણી પહેલાનું ડાબેરી સરકારનું છેલ્લું ફુલગુલાબી બજેટ : પેનશનમાં વધારો : ખેડૂતો પાસેથી ખરીદવામાં આવતી ખેત પેદાશોના લઘુતમ મૂલ્યમાં વધારો : આરોગ્ય ક્ષેત્રે નવી ચાર હજાર નોકરીઓનું નિર્માણ : 50 લાખ યુવાનોને હુન્નર માટે કૌશલ્ય આપવાનું આયોજન : ગરીબ પરિવારોને ઓછી કિંમતે લેપટોપ અપાશે : થોડા મહિના પછી ધારાસભાની ચૂંટણી access_time 6:48 pm IST