Gujarati News

Gujarati News

News of Saturday, 20th February 2021

મુંબઈ અને અમદાવાદમાં IPLની મેચો યોજાઈ શકે

દિલ્હી કેપિટલ્સના માલિક પાર્થ જિંદલે સંકેત આપ્યા : જિંદલે કહ્યું કે એવું લાગી રહ્યુ છે કે તમામ લીગ મેચ એક વેન્યુ પર યોજાશે અને પ્લેઑફ્સ બીજા ગ્રાઉન્ડ પર યોજાશે

નવી દિલ્હી,તા.૨૦ : ઇન્ડિયન પ્રિમીયર લીગ ૨૦૨૧ના ઑક્શન સમાપ્ત થઈ ગયા છે. સાથે દેશમાં આઈપીએલ રસિયાઓમાં ચર્ચા છે કે વખતે આઈપીએલ ભારતમાં રમાશે કે ગત વખતની જેમ વિદેશમાં રમાશે. જોકે, જે પ્રમાણે માહિતી સામે આવી રહી છે તેને જોતા એવું લાગી રહ્યું છે કે આઈપીએલની તમામ મેચ ભારતમાં યોજાય તેવી શક્યતાઓ છે. તેમાં પણ મુંબઈમાં અને અમદાવાદમાં આઈપીએલની મેચીસ યોજાઈ શકે છે. ઈએસપીએનક્રિકઇન્ફોના અહેવાલ મુજબ દિલ્હી કેપિટલ્સના માલિક પાર્થ જિંદલે થયેલા ઑક્શનમાં સંકેત આપ્યા હતા. તેમણે કહ્યું હતું કે મને જે દેખાયુ છે અને સાંભળવામાં આવી રહ્યુ છે કે જો ભારતની ટૂર પર ઇંગ્લેન્ડ આવી શકતું હોય અને આઈપીએલના તમામ ગોવામાં યોજાઈ શકતા હોય, વિજય હજારે અને સૈયદ મુસ્તાક અલી ટ્રોફીનુ આયોજન થઈ શકતું હોય તો વિદેશમાં આઈપીએલ યોજવાની કોઈ વાત નથી.

આઈપીએલ ભારતમાં યોજાશે. જિંદલે વધુમાં કહ્યું કે 'એવું લાગી રહ્યુ છે કે તમામ લીગ મેચ એક વેન્યુ પર યોજાશે અને પ્લેઑફ્સ બીજા ગ્રાઉન્ડ પર યોજાશે. સમાચાર છે કે મુંબઈમાં લીગ મેચ યોજાવાની શક્યતા છે કારણ કે ત્યા ત્રણ ગ્રાઉન્ડ છે જ્યારે અમદાવાદના મોટેરા સ્ટેડિયમમાં નૉકઆઉટ મેચ યોજાઈ શકે છે. દિલ્હી કેપિટલ્સના માલિક પાર્થ જિંદલે એમ પણ ઉમેર્યુ કે જો મુંબઈમાં તમામ લીગ મેચ યોજાય તો દિલ્હી કેપિટલ્સને ઘણો ફાયદો થઈ શકે છે કરાણ કે દિલ્હીની ટીમમાં મુંબઈના અનેક ખેલાડી છે. કેપ્ટન શ્રેયસ ઐય્યર, પૃથ્વી શૉ, અજિંક્ય રહાણે તમામ મુંબઈમાં રમ્યા છે અને સ્ટિવ સ્મિથ પણ મુંબઈની પીચ પર સારૃં પ્રદર્શન કરે છે.

(7:44 pm IST)
  • ૨૪ કલાકમાં ૧૪ હજાર નવા કેસ, આંકડો વધવા લાગ્યોઃ મહારાષ્ટ્ર અને કેરળ આ બે રાજ્યોમાં જ ૧૦ હજારથી વધુ નવા કેસઃ ત્યારબાદ પુણેમાં પણ આંકડો ૧૦૦૦ ઉપર પહોંચી ગયો : ચિંતાજનક સ્થિતિના એંધાણ access_time 11:27 am IST

  • કોîગ્રેસના મયુરસિંહ જાડેજાને ભકિતનગર પોલીસે ચૂંટણી અંતર્ગત અટકાયતી પગલા લેવાયા: કોîગ્રેસ કાર્યકરો પોલીસ મથકે દોડી ગયા access_time 3:23 pm IST

  • મોંઘવારીનો એકપછી એક માર : પેટ્રોલ- ડીઝલ બાદ CNG- PNGનાં ભાવમાં વધારો ઝીકાયો :અદાણી ગેસે કર્યો ભાવમાં વધારો : CNGનાં ભાવમાં 95 પૈસાનો વધારો કરાયો : PNGનાં ભાવમાં 1.29 રૂપિયાનો વધારો ઝીકાયો : ગુજરાતમાં CNGનાં 4 લાખ ગ્રાહકોને અસર: ગુજરાતમાં PNGનાં 10 લાખ ગ્રાહકોને વધશે ખર્ચ બોજ access_time 10:57 am IST