Gujarati News

Gujarati News

News of Monday, 25th October 2021

અતિ ઉત્સાહમાં આવવાની જરૂર નથી : બાબર આઝમ

વિજય બાદ પાક. સુકાનીએ ટીમને શુભેચ્છા પાઠવી : બાબર આઝમે ડ્રેસિંગ રુમમાં ટીમને સ્પીચ આપી હતી, પાક. ક્રિકેટ બોર્ડ દ્વારા યુટ્યુબ પર વીડિયો શેર કરાયો

દુબઈ , તા.૨૫ : ૨૪મી ઓક્ટોબર રવિવારના રોજ ભારત અને પાકિસ્તાન વચ્ચે અત્યંત રોમાંચક મુકાબલો થયો હતો. દુબઈમાં રમાયેલી મેચમાં પાકિસ્તાને ટીમ ઈન્ડિયાને હરાવી હતી. અત્યાર સુધી વર્લ્ડકપમાં હંમેશા પાકિસ્તાને ભારત સામે હારનો સામનો કરવો પડ્યો હતો, પરંતુ ગઈકાલે તેમણે રેકોર્ડ તોડ્યો અને જીત મેળવી હતી. ટીમ ઈન્ડિયા સામે ઐતિહાસિક જીત મેળવ્યા પછી પાકિસ્તાનની ટીમના કેપ્ટન બાબર આઝમે ટીમને શુભકામનાઓ તો પાઠવી પરંતુ સાથે સાથે સલાહ-સૂચનો પણ આપ્યા હતા.

કેપ્ટન બાબર આઝમને ચિંતા છે કે જીત મેળવીને ક્યાંક ટીમનું ફોકસ ખોરવાઈ ના જાય અને તે મુખ્ય લક્ષ્યાંક એટલે કે વર્લ્ડકપની ટ્રોફીના મિશન પરથી ભટકી ના જાય. બાબર આઝમે ડ્રેસિંગ રુમમાં ટીમને સ્પીચ આપી હતી. પાકિસ્તાન ક્રિકેટ બોર્ડ દ્વારા યુટ્યુબ પર વીડિયો શેર કરવામાં આવ્યો છે. વીડિયોમાં જોઈ શકાય છે કે બાબર આઝમ ટીમને કહી રહ્યો છે કે, આપણે એન્જોય કરીશું, ચોક્કસપણે કરીશુ પણ આપણે અતિ ઉત્સાહમાં આવી જવાની જરુર નથી. આપણે એક ટીમ તરીકે રમ્યા છીએ અને આગળ પણ રીતે રમીશું.

બાબર આઝમે ટીમને જણાવ્યું કે, હમણાં એન્જોય કરીશું, હોટલ પર જઈને પરિવાર સાથે એન્જોય કરો, પરંતુ માત્ર સેલિબ્રેશન કરતા રહેવાની જરુર નથી. આપણો મુખ્ય ધ્યેય વર્લ્ડકપની ટીમોને જીતવાનો છે. એવુ ના બને કે આપણે બસ ઉજવણી કરતા રહીએ. આપણે આદત બદલવાની જરુર છે. આપણે આગળની મેચમાં સારું પ્રદર્શન કરવાનું છે. માટે મારી તમને વિનંતી છે કે મેચની જીત પછી ઓવર એક્સાઈટમેન્ટની જરુર નથી. આપણે આગળની મેચની તૈયારીઓ વહેલી તકે શરુ કરવાની છે. મેચ પછી અપેક્ષાઓ વધી ગઈ છે, માટે મહેનત પણ વધારે કરવી પડશે.

પાકિસ્તાનના અંતરિમ કોચ સકનેલ મુશ્તાકે પણ કહ્યું કે, આપણે આત્મમંથન કરવાની જરુર છે. આજે અંદાજમાં મેચ જીતવા માટે આપણે શું કર્યું તેના પર વિચાર કરવાની જરુર છે. આપણે આપણી નબળાઓ પર કામ કરવાની જરુર છે. જીતની લાગણીઓને કંટ્રોલમાં રાખવી પડશે. ઉલ્લેખનીય છે કે વર્લ્ડ કપમાં પાકિસ્તાને સતત ૧૨ વાર ભારત સામે હારનો સામનો કર્યો છે. પાકિસ્તાનમાં લોકો રોડ પર ઉતરી આવ્યા હતા અને ખૂબ ઉજવણી કરવામાં આવી હતી. ફટાકડા પણ ફોડવામાં આવ્યા હતા.

પાકિસ્તાનના વડાપ્રધાન અને વર્લ્ડ કપ ૧૯૯૨ની વિજેતા ટીમના સુકાની ઈમરાન ખાને પણ ટ્વિટ કરીને શુભકામનાઓ પાઠવી છે. તેમણે લખ્યું કે, પાકિસ્તાનની ટીમ અને ખાસકરીને બાબર આઝમને શુભકામનાઓ, જેમણે રીતે ટીમનું નેતૃત્વ કર્યું. રિઝવાન અને શાહીન શાહ આફ્રિદીએ પણ શાનદાર પ્રદર્શન કર્યું. દેશને તમારા પર ગર્વ છે.

(7:21 pm IST)