Gujarati News

Gujarati News

News of Friday, 26th February 2021

રાષ્ટ્રીય હોકી ટૂર્નામેન્ટ્સ માર્ચથી થશે શરૂ

નવી દિલ્હી: ભારતની સ્થાનિક હોકી ટૂર્નામેન્ટ્સ આ વર્ષે માર્ચથી શરૂ થશે. હોકી ઈન્ડિયાએ ગુરુવારે કહ્યું કે ચેમ્પિયનશિપ ઝારખંડના સિમડેગામાં 10 થી 18 માર્ચ દરમિયાન યોજાનારી મહિલા સબ જુનિયર રાષ્ટ્રીય ચેમ્પિયનશિપથી શરૂ થશે. હોકી ઈન્ડિયાએ એક નિવેદન બહાર પાડતાં કહ્યું છે કે, 11 મી હોકી ઈન્ડિયા સબ જુનિયર મહિલા રાષ્ટ્રીય ચેમ્પિયનશિપ 10 થી 18 માર્ચ સુધી સિમડેગામાં યોજાશે. 11 મી હોકી ઇન્ડિયા સબ જુનિયર મેન્સ રાષ્ટ્રીય ચેમ્પિયનશિપ 17 થી 25 માર્ચ દરમિયાન હરિયાણાના નરવાનામાં યોજાશે. " ગયા વર્ષે ફેબ્રુઆરી પછી આ પહેલી હોકી ડોમેસ્ટિક ટૂર્નામેન્ટ હશે. ગત વર્ષે જાન્યુઆરી અને ફેબ્રુઆરીમાં દસમી સિનિયર મેન્સ અને વિમેન્સ ચેમ્પિયનશીપ (એ ડીવીઝન) અને સિનિયર વિમેન્સ ચેમ્પિયનશીપ (બી ડિવિઝન) નું આયોજન થવાનું હતું.

(6:08 pm IST)
  • આંદામાન સાગરમાં ભટકતી બોટની શોધ : રોહીંગ્યા શરણાર્થીઓની ગૂમ થયેલી બોટને શોધવામાં ભારતીય તટરક્ષક દળ મદદ કરી રહયું છે. આ નૌકા ૧પ દિ' પહેલા બાંગ્લાદેશથી રવાના થયા પછી ખરાબ થઇ ગયેલ. આ નૌકામાં ૯૦ લોકો છે. જેમની હાલત ખરાબ છે અને તે પૈકી ૮ના મોત થયાની આશંકા છે. જો કે આ નૌકા કયાં છે તે જાણવા મળતુ નથી. આ બોટમાં સવાર રપ વર્ષીય યુવાનની માતા નસીમા ખાતુન કહે છેકે પોતાનો પુત્ર ૪ લીટર પાણી માત્ર સાથે લઇને ગયો છે અને આ લોકો ભુખથી તડપી રહયા છે અને માર્ગ ભુલી ગયા છે. access_time 12:52 pm IST

  • ભારતીય ટીમના બોલર યુસુફ પઠાણે ક્રિકેટના તમામ ફોર્મેટમાંથી લીધી નિવૃતિ : આજે યુસુફે ઍકાઍક જાહેરાત કરતાં જણાવેલ કે તેઓઍ ક્રિકેટના તમામ ફોર્મેટમાંથી નિવૃતિ લઈ લીધી છે : યુસુફ પઠાણે તેમની કારકિર્દીમાં ૫૭ વન ડે અને ૨૨ આંતરરાષ્ટ્રીય ક્રિકેટ મેચ રમી છે : તેઓની કારકિર્દીમાં અનેક સિમાચિન્હરૂપ ઈનિંગ્સનો સમાવેશ થાય છે : યુસુફઍ ઍક ફાંકડા ફટકાબાજ તરીકે પણ લોકચાહના મેળવેલ access_time 5:23 pm IST

  • ખેડૂત નેતાએ કહ્યું સરકારને રામચંદ્ર બનાવી ગાદીએ બેસાડી હતી પણ રાવણ જેવો વ્યવહાર કરવા લાગી : અમને ખબર છે રાવણની નાભિ ક્યાં છે : રાકેશ ટિકૈતની 40 લાખ ટ્રેકટર સાથે સંસદ ભવન ઘેરાવાના એલાનને ખેડૂત નેતા પુષ્પેન્દ્રસિંહ સમર્થન અપાતા કહ્યું મત જ સરકારની નાભિ છે અને ત્યાં જ વાર કરીશું access_time 1:12 am IST