Gujarati News

બંગલા દેશ સામેની પહેલી ટેસ્ટમાં શ્રીલંકન કેપ્ટન દિમુખ કરૂણારત્નેની લાજવાબ ઇનિંગ્સનાં વખાણ કરવામાં ઇન્ટરનેશનલ ક્રિકેટ કાઉન્સીલ (આઇસીસી) એ મોટો લોચો મારી દીધો હતો. ડ્રો રહેલી એ ટેસ્ટમાં કરૂણારત્ને ૬૯૮ મિનીટ સુધી મેદાનમાં ટકીને ૪૩૭ બોલમાં ર૬ ફોર સાથે કરીઅર - બેસ્ટ ર૪૪ રનની લાજવાબ ઇનિંગ્સ રમ્યો હતો.

આઇસીસીએ તેના ફેસબુક પર આ ઇનિંગ્સના ફોટો સાથે વખત કર્યા હતાં. પણ લોચો એ મારી દીધો કે કરૂણારત્નેને બદલે તેના સાથી ખેલાડી લાહિરૂ થિરિમાનેનો ફોટો પોસ્ટ કરી દીધો હતો. આઇસીસીનું આ ભૂલ તરફ બીજા કોઇએ નહીં, કરૂણારત્નેએ પોતે ધ્યાન દોરતા કમેન્ટ કરી હતી. કે આ મારો ફોટો નથી. ભૂલ સમજી ભોંઠી પડેલી આઇસીસીએ તરત એ પોસ્ટ ડીલીટ કરી નાખી હતી.