News of Thursday, 3rd September 2020
નવેમ્બરમાં યોજાશે પાકિસ્તાન સુપર લીગ-2020ની બાકી 4 મેચો: પીસીબીએ કર્યું એલાન
નવી દિલ્હી: પાકિસ્તાન ક્રિકેટ બોર્ડ (પીસીબી) એ પાકિસ્તાન સુપર લીગ (પીએસએલ) ની 2020 સીઝનની બાકીની ચાર મેચની તારીખો જાહેર કરી છે. અહેવાલ મુજબ, ચારેય મેચ નવેમ્બર મહિનામાં લાહોરના ગદ્દાફી સ્ટેડિયમ ખાતે રમાશે.પીએસએલ નોકઆઉટ રાઉન્ડની મેચ માર્ચમાં યોજાવાની હતી પરંતુ કોવિડ -19 રોગચાળાને લીધે લીગ મુલતવી રાખવામાં આવી હતી.મુલતાન સુલતાન્સ અને કરાચી કિંગ્સ - ટોચની બે ટીમો વચ્ચેનો મુકાબલો 14 નવેમ્બરના રોજ યોજાશે. આ દિવસે પ્રથમ એલિમિનેટર મેચ ત્રીજી અને ચોથી સ્થાને રહેલી ટીમો લાહોર કલંદર અને પેશાવર જલ્મી વચ્ચે રમાશે. પ્રથમ એલિમીનેટરની વિજેતા અને ક્વોલિફાયરમાં હારી ગયેલી ટીમ વચ્ચે 15 નવેમ્બરના રોજ બીજો એલિમિનેટર રમાશે. પીએસએલની અંતિમ મેચ 17 નવેમ્બરે થશે.
(5:26 pm IST)