ખેલ-જગત
News of Tuesday, 4th May 2021

હૈદ્રાબાદ અને વોર્નર વચ્ચે બંધ દરવાજા પાછળ કંઈક રંધાઈ રહ્યું છેઃ ડેલ સ્ટેન

સનરાઈઝ સાથે આ છેલ્લી સિઝન હોઈ શકે, કેપ્ટનપદેથી હકાલપટ્ટી બાદ પ્લેઈંગ ઈલેવનમાં પણ સમાવેશ કરાયો ન હતો

નવીદિલ્હીઃ સાઉથ આફ્રિકાના દિગ્ગજ પેસ બોલર ડેલ સ્ટેને કહ્યું કે કદાચ આપણે ડેવિડ વોર્નરને છેલ્લીવાર સનરાઈઝર્સ હૈદરાબાદ માટે રમતો જોઈ રહ્યા છીએ.

એક મુલાકાતમાં ડેલ સ્ટેને કહ્યું હતું કે તેનો પ્લેઈંગ ઈલેવનમાં સમાવેશ નહોતો કરવામાં આવ્યો એ ખૂબ આશ્ચર્યજનક હતું. એ સમજી શકાય કે હૈદરાબાદ આવતી સીઝનથી કેન વિલિયમસનને કેપ્ટન બનાવવા માગતી હશે અને એ માટે તેને તૈયાર કરી રહી હશે, પણ વોર્નર હજુલાજવાબ બેટ્સમૅન છે અને તેને હું હજી પણ પ્લેઇંગ ઈલેવનમાં સામેલ કરૃં. લાગે છે કે હવે આપણે છેલ્લી વાર હૈદરાબાદની જર્સીમાં વોર્નરને જોઈ રહ્યા છીએ. બંધ દરવાજા પાછળ જરૂર કંઈક રંધાઈ રહ્યું હશે, જેની આપણને ખબર નથી.

(4:09 pm IST)