News of Thursday, 17th September 2020
ICC રેન્કિંગમાં વિરાટ અને રોહિત ટોપ-3માં કાયમ
નવી દિલ્હી: ભારતીય કેપ્ટન વિરાટ કોહલી અને ઉપ-કપ્તાન રોહિત શર્માએ આઇસીસીની તાજેતરની વનડે રેન્કિંગમાં બેટ્સમેનોની યાદીમાં ટોચના બે સ્થાને કાયમ પર છે. ઓસ્ટ્રેલિયા અને ઇંગ્લેન્ડ વચ્ચે ત્રણ મેચની વનડે સિરીઝ પૂરી થયા બાદ રેન્કિંગ્સ બહાર પાડવામાં આવ્યા હતા. કોહલી 871 રેટિંગ પોઇન્ટ સાથે પ્રથમ ક્રમે છે જ્યારે રોહિત 855 રેટિંગ પોઇન્ટ સાથે બીજા નંબરે છે.આ દરમિયાન, ઇંગ્લેન્ડના ઓપનર જોની બેરસ્ટો અને ઓસ્ટ્રેલિયાના ગ્લેન મેક્સવેલ અને એલેક્સ કેરીએ રેન્કિંગમાં સ્થાન મેળવ્યું છે. ત્રીજી મેચમાં 112 રન બનાવનાર બેઅરસો ટોપ -10 માં પહોંચવામાં સફળ રહ્યો છે, જે તેની કારકિર્દીની સર્વશ્રેષ્ઠ રેન્કિંગ છે.
(5:25 pm IST)