સેન્ટ લ્યુસિયા ટેસ્ટ: દક્ષિણઆફ્રિકાએ વિન્ડિઝને હરાવી સિરીઝ 2-0થી જીતી
નવી દિલ્હી: ડેરેન સામી નેશનલ ક્રિકેટ સ્ટેડિયમમાં બીજી ટેસ્ટના ચોથા દિવસે કેશવ મહારાજે (36) અને કાગિસો રબાડા (44) ની મદદથી દક્ષિણ આફ્રિકાએ વેસ્ટ ઈન્ડિઝને 158 રનથી હરાવી હતી. દક્ષિણ આફ્રિકાએ વિન્ડિઝને જીતવા માટે 324 રનનો લક્ષ્યાંક આપ્યો હતો, જેના જવાબમાં વેસ્ટ ઇન્ડીઝની ટીમ બીજી ઇનિંગ્સમાં 165 રનમાં સમેટાઈ ગઈ હતી. મહારાજ અને રબાડા સિવાય દક્ષિણ આફ્રિકા તરફથી લુંગી એનગિડીએ એક વિકેટ ઝડપી હતી. રબાડાને મેચનો ખેલાડી જાહેર કરવામાં આવ્યો અને ક્વિન્ટન ડી કોકને શ્રેણીનો ખેલાડી જાહેર કરાયો. આ પહેલા વિન્ડિઝ ટીમે એક સમય સુધી ત્રણ વિકેટે 107 રન બનાવ્યા હતા. પરંતુ ડાબોડી સ્પિનર મહારાજે હેટ્રિક લીધી હતી અને વિન્ડિઝની ઇનિંગ્સ ખોરવી નાખી હતી. મહારાજ, ટેસ્ટ ક્રિકેટમાં આ સિદ્ધિ હાંસલ કરવા માટે દક્ષિણ આફ્રિકાના બીજા ખેલાડી બન્યા.