રાષ્ટ્રીય રમત દિવસ પર ધ્યાનચંદને નમન કરતા જોવા મળ્યા રિજિજૂ

નવી દિલ્હી:   કેન્દ્રીય રમત ગમત પ્રધાન કિરણ રિજિજુએ રાષ્ટ્રીય રમતગમત દિવસ નિમિત્તે શનિવારે  115 મી જન્મજયંતી પર હોકી વિઝાર્ડ મેજર ધ્યાનચંદને શ્રદ્ધાંજલિ અર્પી હતી. રાષ્ટ્રીય રમતગમત દિવસ નિમિત્તે, રિજિજુએ દિલ્હીના મેજર ધ્યાનચંદ રાષ્ટ્રીય સ્ટેડિયમમાં ધ્યાનચંદને યાદ કર્યા. 29 ઓગસ્ટે, ભારતના આ મહાન હોકી ખેલાડી  જન્મદિવસને રાષ્ટ્રીય રમત દિવસ તરીકે ઉજવવામાં આવે છે. રિજિજુ સમારોહ દરમિયાન અન્ય મહાનુભાવો સાથે જોડાયા હતા અને સ્ટેડિયમમાં ખેલ ઈન્ડિયા ઇ-પાઠશાળાને સંબોધવા માટે પણ સમય કાઢ્યો હતો. રિજિજુએ કહ્યું, "આજનો દિવસ આપણા બધા માટે, ખાસ કરીને રમત ગમત સમુદાય માટે ખૂબ જ મહત્વપૂર્ણ છે. મેજર ધ્યાનચંદ દ્વારા ભારત માટે સતત ત્રણ ગોલ્ડ મેડલ અને તેમના અનુકરણીય કુશળતા અને  નિશ્ચયથી દરેક ભારતીયને ગર્વ થાય છે."