એશીઝ જંગઃ ટીમ પેઈનની જગ્યાએ કોણ વિકેટકીપર હશે, હજુ નકકી નથી
હેરાલ્ડ સનનો ટીમમાં સમાવેશ કરાશેઃ વોર્ન
નવી દિલ્હીઃ ૮ ડિસેમ્બરથી બ્રિસ્બેનના ગાબા ખાતે શરૂ થનારી પ્રથમ એશિઝ ટેસ્ટ માટે માત્ર ૧૦ દિવસ બાકી છે, ત્યારે ક્રિકેટ ઓસ્ટ્રેલિયા (CA) એ હજુ નક્કી કરવાનું નથી કે ટીમ પેઈન પછી આ શ્રેણી માટે ટીમમાં વિકેટ-કીપર કોણ હશે. જ્યોર્જ બેઈલી, જસ્ટિન લેંગર, ટોની ડોડેમાઈડની બનેલી ત્રણ સભ્યોની પેનલ નક્કી કરશે કે ઓસ્ટ્રેલિયાનો આગામી વિકેટકીપર કોણ હશે, એમ હેરાલ્ડ સને જણાવ્યું હતું.
ઓસ્ટ્રેલિયન પૂર્વ સ્પિનર શેન વોર્ને તાજેતરમાં હેરાલ્ડ સન માટે તેની કોલમમાં લખ્યું હતું કે વિકેટકીપર માટે તેનો મત ૨૬ વર્ષીય જોશ ઇંગ્લિસને જશે, જેનો જન્મ યુનાઇટેડ કિંગડમમાં થયો હતો અને ૧૪ વર્ષની ઉંમરે ઓસ્ટ્રેલિયા ગયો હતો. ભૂતપૂર્વ ઓસ્ટ્રેલિયન વિકેટકીપર ઈયાન હીલીએ પણ ખેલાડીની પ્રશંસા કરતા કહ્યું કે તેને તક આપવામાં આવી શકે છે, જોકે તેણે કેરીને વિકેટકીપરનું સ્થાન આપવામાં આવે તેવી શક્યતા નકારી ન હતી.