<img height="1" width="1" style="display:none" src="https://www.facebook.com/tr?id=1793108690839422&ev=PageView&noscript=1" /> dasdasd
News of Friday, 25th October 2024

૬ વર્ષ બાદ CID કરશે કમબેકઃ નવી સિરીઝની જાહેરાત

ફરી જોવા મળશે ACP પ્રદ્યુમન, દયા અને અભિજીતની દમદાર એક્‍શન : CIDની આગામી સિરીઝનો પહેલો પ્રોમો વીડિયો ૨૬ ઓક્‍ટોબરે સોની ટીવી પર લોન્‍ચ કરવામાં આવશે

મુંબઇ,તા. ૨૫: ભારતના ટેલિવિઝનના ઇતિહાસમાં સીઆઇડી આ શો યાદ જ હશે. નાના પડદાના આ પ્રખ્‍યાત શો સોની ટીવીની કલ્‍ટ સીરિયલ સીઆઈડી નામ તો ચાહકો વચ્‍ચે ખૂબ જ પ્રખ્‍યાત છે. આ શોની ઘણી મોટી ફેન ફોલોઈંગ છે અને આ શોએ ખૂબ જ લાંબા સમયથી દર્શકોનું મનોરંજન કર્યું છે. જોકે કોઈ કારણસર આ શો બંધ કરવામાં આવ્‍યો હતો અને હવે આ શોના કમબેકને લઈને એક જાહેરાત કરવામાં આવી છે. CID ૬ વર્ષ પછી ફરી લોકોનું મનોરંજન કરવા આવી રહ્યો છે.

જો આપણે ટીવી જગતના સૌથી લોકપ્રિય શોની વાત કરીએ તો ડિરેક્‍ટર બી.પી. સિંહનો જાસૂસી ટીવી શો C.I.D. નું નામ ચોક્કસપણે સામેલ કરવામાં આવશે. લગભગ ૨૦ વર્ષ સુધી, આ શોએ ભારતના દરેક ઘરના ઘણા લોકોનું મનોરંજન કર્યું. આવી સ્‍થિતિમાં CIDના ચાહકોની સંખ્‍યા પણ ઘણી વધારે છે. CIDની નવી સિરીઝની જાહેરાત મેકર્સ દ્વારા સોશિયલ મીડિયા પર કરવામાં આવી છે. આ સાથે એ પણ જણાવવામાં આવ્‍યું છે કે CIDનો પહેલો પ્રોમો કઈ તારીખે રિલીઝ કરવામાં આવશે.

CIDની શરૂઆત વર્ષ ૧૯૯૮ માં સોની ટીવી પર થઈ હતી. આ શોએ ૨૦૧૮ સુધી દર્શકોનું નોન-સ્‍ટોપ મનોરંજન કર્યું. જેના કારણે CID એક કલ્‍ટ સિરિયલ બની ગઈ. આજે પણ લોકો એસીપી પ્રદ્યુમન અને દયા જેવી તેની કાસ્‍ટ વિશે વાત કરે છે. હવે આ ઉલ્લેખ ફરી વધવા જઈ રહ્યો છે, કારણ કે CID ૬ વર્ષના અંતરાલ પછી સોની ટીવી પર કમબેક કરશે અને એસીપી પ્રદ્યુમન, દયા અને અભિજીતના એક્‍શનથી ફરી લોકોને વાફેક કરાવશે.

સોની ટીવીએ તેના સત્તાવાર ઇન્‍સ્‍ટાગ્રામ હેન્‍ડલ પર CIDની નવી સીઝનનો પહેલો વીડિયો પોસ્‍ટ કર્યો હતો. જેમાં તમને એસપી પ્રદ્યુમન (શિવાજી સાટમ), ઈન્‍સ્‍પેક્‍ટર દયા (દયાનંદ શેટ્ટી) અને સિનિયર ઈન્‍સ્‍પેક્‍ટર અભિજીત (આદિત્‍ય શ્રીવાસ્‍તવ)ની ઝલક જોવા મળી રહી છે. આ નાના પ્રોમો વીડિયોની સાથે એવી માહિતી પણ આપવામાં આવી છે કે CIDની આગામી સિરીઝનો પહેલો પ્રોમો વીડિયો ૨૬ ઓક્‍ટોબરે સોની ટીવી પર લોન્‍ચ કરવામાં આવશે. પોસ્‍ટના કેપ્‍શનમાં લખ્‍યું છે- તમારા કેલેન્‍ડરને માર્ક કરો, એક વિસ્‍ફોટક પ્રોમો વીડિયો ૨૬ ઓક્‍ટોબરે છોડવામાં આવશે. આ જાહેરાત બાદ ફેન્‍સની એક્‍સાઈટમેન્‍ટ પણ ઘણી વધી ગઈ છે.

ભારતના ટીવી ઇતિહાસમાં જેમ રામાનંદ સાગરની ‘રામાયણ'અને બીઆર ચોપરાના ‘મહાભારત'ને નાના પડદાની કલ્‍ટ સિરિયલ ગણવામાં આવે છે. આ જ આધાર પર સીઆઈડીનો પણ તે દરજ્જો છે. દરેક એપિસોડમાં, સીઆઈડી ટીમ એક રસપ્રદ કેસનું રહસ્‍ય ઉકેલે છે, જે ચાહકોને જોવાનું ખૂબ જ પસંદ હતું. એવી અપેક્ષા રાખવામાં આવે છે કે આગામી સિઝનમાં આ સ્‍પાય થ્રિલર ટીવી શોમાં વધુ સસ્‍પેન્‍સ જોવા મળશે જેની ચાહકો છેલ્લા છ વર્ષથી રાહ જોઈ રહ્યા હતા.

(9:41 AM IST)