મુંબઇ: અજય દેવગન બોલિવૂડમાં ત્રણ દાયકાથી વધુ સમયથી દબદબો ધરાવે છે.  તે આજે પણ ચાહકો અને ફિલ્મ નિર્માતાઓના દિલ પર રાજ કરી રહ્યો છે.  અજયની માંગ સતત રહે છે.  તેની એક પછી એક ફિલ્મો આવતી રહે છે.  આ વર્ષે અજયની 3 ફિલ્મો 'શૈતાન', 'મેદાન' અને 'ઓરોં મેં કહાં દમ થા' રિલીઝ થઈ છે.  હવે તેની બહુપ્રતિક્ષિત ફિલ્મ 'સિંઘમ અગેન' 1લી નવેમ્બરે દિવાળી પર થિયેટરોમાં આવવા માટે તૈયાર છે.  આ દરમિયાન અજયના ફેન્સ માટે વધુ એક સારા સમાચાર આવ્યા છે.  અજયની ફિલ્મ 'નામ' 22 નવેમ્બરે રિલીઝ થશે.