મુંબઈ: થિયેટરમાં રિલીઝ થયા પછીથી વિવાદોનો સામનો કરી રહેલી અભિનેતા મોહનલાલ-પૃથ્વીરાજ સુકુમારન અભિનીત ફિલ્મ 'એમ્પુરન'ની મુશ્કેલીઓ અટકવાનું નામ લેતી નથી. ૨૪ કાપ અને નોંધપાત્ર સુધારા છતાં, RSS ના મુખપત્ર ઓર્ગેનાઇઝરે ફિલ્મના નિર્માતાઓ પર સવાલ ઉઠાવ્યા.RSS ના મુખપત્ર ઓર્ગેનાઇઝરમાં પ્રકાશિત થયેલા એક નવા લેખ સાથે મોહનલાલ અને પૃથ્વીરાજ સુકુમારન અભિનીત ફિલ્મ 'એમ્પુરન' માટે મુશ્કેલીઓ વધતી જાય છે. આ વખતે દિગ્દર્શક પૃથ્વીરાજ સુકુમારન અને પટકથા લેખક મુરલી ગોપી પર પ્રશ્નો ઉભા થયા છે. ટીકા બાદ, નિર્માતાઓએ ફિલ્મમાં કુલ 24 કટ કરવાનો નિર્ણય લીધો અને ફિલ્મનું સંપાદિત સંસ્કરણ બુધવારથી રિલીઝ થવાનું છેદરમિયાન, ઓર્ગેનાઇઝરના નવા લેખમાં દાવો કરવામાં આવ્યો છે કે પાત્રોના નામ અને સંવાદોમાં ફેરફાર હોવા છતાં, ફિલ્મમાં હજુ પણ "હિંદુ વિરોધી લાગણીઓ" છે.આ લેખમાં પ્રકાશિત કરવામાં આવ્યું છે કે આ વાર્તા મસૂદ સઈદ (પૃથ્વીરાજ) પર કેન્દ્રિત છે, જે ગુજરાત રમખાણોમાં પોતાના પરિવારને ગુમાવ્યા બાદ હિન્દુઓ સામે બદલો લેવા માટે આતંકવાદી જૂથ લશ્કર-એ-તૈયબા (LeT) માં જોડાય છે.