કોરિયામાં રાજકુમારી બની અભિનેત્રી હિના ખાન

મુંબઈ: તાજેતરમાં કોરિયાના 'ટુરિઝમ એમ્બેસેડર' તરીકે નિયુક્ત થયેલી અભિનેત્રી હિના ખાનએ કહ્યું કે તે આ દેશને ખૂબ પ્રેમ કરે છે અને અહીં તે રાજકુમારી જેવી લાગે છે. ઇન્સ્ટાગ્રામ પર પોતાનો લેટેસ્ટ વીડિયો શેર કરતાં તેણે કેપ્શન આપ્યું, “જાદુઈ ભૂમિમાં પરી… કોરિયા એક સ્વપ્ન જેવું લાગે છે અને હું અહીં રાજકુમારી જેવી અનુભવું છું, કોરિયાને પ્રેમ કરું છું.” તેણીએ શેર કરેલા વિડીયોમાં, તે પરી અથવા રાજકુમારીના પોશાક પહેરેલી જોવા મળી હતી. ગુલાબી રંગના આઉટફિટમાં તેનો લુક ખૂબ જ સુંદર લાગી રહ્યો હતો. બુધવારે, હિનાએ એક પોસ્ટ શેર કરીને માહિતી આપી કે તેણીને 'કોરિયા ટુરિઝમ' ના એમ્બેસેડર તરીકે નિયુક્ત કરવામાં આવી છે. આ સન્માન મેળવીને તે ખૂબ જ ખુશ અને ઉત્સાહિત છે. હિનાએ ઇન્સ્ટાગ્રામ પર શેર કરેલી તસવીરો સાથે કોરિયા ટુરિઝમ ઓર્ગેનાઇઝેશન ઇન્ડિયાનો આભાર માન્યો. "કોરિયા ટુરિઝમના બ્રાન્ડ એમ્બેસેડર તરીકે નિયુક્ત થવા બદલ સન્માનિત છું," અભિનેત્રીએ કેપ્શનમાં લખ્યું. "હું કોરિયાની સુંદરતા અને સંસ્કૃતિને પ્રોત્સાહન આપવા માટે ઉત્સાહિત છું.'' હિનાએ કહ્યું કે આ સન્માનથી મળેલી ખુશી તે શબ્દોમાં વ્યક્ત કરી શકતી નથી.તેણીએ લખ્યું, “હું તાજેતરમાં આ સુંદર દેશમાં આવી છું અને છેલ્લા કેટલાક દિવસોમાં મેં દેશમાં વિતાવેલા અનુભવોને શબ્દોમાં વર્ણવી શકાય નહીં. જૂના મહેલોથી લઈને શેરીઓ સુધી, કોરિયા એક અત્યંત સુંદર દેશ છે, જેનો જાદુ સ્પષ્ટ છે. હું ઉત્સાહિત છું અને અહીંના અદ્ભુત સ્થળો, સ્વાદિષ્ટ ખોરાક અને સંસ્કૃતિ દરેકને બતાવવા માટે રાહ જોઈ શકતી નથી. આ સન્માન માટે એન્ડ્રુ જેએચ કિમ અને કોરિયા ટુરિઝમ ઓર્ગેનાઇઝેશન ઇન્ડિયાનો આભાર.”
