હાઉસફુલ ૫નું ટ્રેલર રિલીઝ ક્રુઝ પર કોમેડી, મિલકત માટે મહાસંગ્રામ...પેટ પકડીને હસાવશે આ ફિલ્મ
૩ મિનિટ ૫૩ સેકન્ડના ટ્રેલરમાં કોમેડી, ડ્રામા, એક્શન અને હત્યાની વાતઃ ૬ જૂને સિનેમાઘરોમાં આવશે ફિલ્મ : અક્ષય કુમાર, રિતેશ દેશમુખ અને અભિષેક બચ્ચન ....કુલ ૧૭ એક્ટર્સ છે
મુંબઈ,તા.૨૮: બોલિવૂડની સૌથી સફળ કોમેડી ફ્રેન્ચાઇઝ હાઉસફુલ ની વાત આવે ત્યારે દર્શકોનો ઉત્સાહ એક અલગ જ સ્તરે હોય છે. આવી સ્થિતિમાં, જ્યારે હાઉસફુલ ૫નું ટ્રેલર રિલીઝ થયું ત્યારે ફેન્સ ખુશખુશાલ થઈ ગયા છે. આ ટ્રેલર થોડી જ વારમાં તે સોશ્યલ મીડિયા પર ટ્રેન્ડ થવા લાગ્યું છે. આ ૩ મિનિટ ૫૩ સેકેન્ડના ટ્રેલરમાં કોમેડી, ડ્રામા, એક્શન અને હત્યાની વાત છે. ટ્રેલરમાં મનોરંજનનો ભરપૂર ડોઝ છે.
મલ્ટીસ્ટારર ફિલ્મ હાઉસફુલ ૫માં કુલ ૧૭ એક્ટર્સ છે. ટ્રેલર એક ક્રુઝથી શરૂ થાય છે. જેમાં બતાવવામાં આવ્યું છે કે પપ્પા રણજીત પોતાની મિલકત ડોલીને ટ્રાન્સફર કરે છે, પરંતુ વાસ્તવિક ડોલી કોણ છે તે શોધવું ખૂબ મુશ્કેલ છે. અક્ષય કુમાર, રિતેશ દેશમુખ અને અભિષેક બચ્ચન પોતાને વાસ્તવિક ડોલી કહે છે. આ પછી એક હત્યા થાય છે. આવી સ્થિતિમાં, પોલીસ ત્રણેય ડોલી અને તેમની ત્રણ ગર્લફ્રેન્ડને મુખ્ય શંકાસ્પદ તરીકે ધરપકડ કરે છે. આ પછી છ લોકો જેલમાં જાય છે. ત્યારબાદ સંજય દત્ત અને જેકી શ્રોફ આ કેસની તપાસ શરૂ કરે છે. આ પછી નાના પાટેકર ફિલ્મમાં પ્રવેશ કરે છે. હવે આપણે જોવાનું છે કે વાસ્તવિક ડોલી કોણ છે અને આ હત્યા કોણે કરી છે.
ટ્રેલર મુજબ, ફિલ્મ હાઉસફુલ ૫ ૬ જૂને સિનેમાઘરોમાં આવશે. આ એક મલ્ટીસ્ટારર ફિલ્મ છે. તેમાં એક કે બે નહીં પણ ઘણા બધા સ્ટાર્સ છે. ટ્રેલરમાં માત્ર કોમેડી જ નહીં, પણ હળવું સસ્પેન્સ અને ટ્વિસ્ટેડ સંબંધોની વાર્તા પણ બતાવવામાં આવી છે. હાઉસફુલ શ્રેણીની યુએસપી રહેલી વાર્તામાં ઘણા ટ્વિસ્ટ અને મૂંઝવણો છે. ટ્રેલરમાં જે દ્રશ્યો છે તેના પરથી સ્પષ્ટ થાય છે કે ફરી એકવાર દર્શકોને હાસ્યમાં ડૂબકી લગાવવાનો મોકો મળશે. લોકેશનથી લઈને સેટ ડિઝાઇન સુધી, ટ્રેલરમાં દરેક ફ્રેમ ભવ્યતા દર્શાવે છે.
હાઉસફુલ ૫ આવતા મહિને સિનેમાઘરોમાં રિલીઝ થઈ રહી છે. ફિલ્મની રિલીઝના એક અઠવાડિયા પહેલા જ એક બ્લોકબસ્ટર ટ્રેલર રિલીઝ થયું છે જે ચોક્કસ તમને પેટ દુખે ત્યાં સુધી હસાવશે.
આ ફિલ્મનું દિગ્દર્શન તરુણ મનસુખાની દ્વારા કરવામાં આવ્યું છે. ફિલ્મનું નિર્માણ સાજિદ નડિયાદવાલાએ કર્યું છે.તેમાં અક્ષય કુમાર, રિતેશ દેશમુખ, અભિષેક બચ્ચન, સંજય દત્ત, ફરદીન ખાન, શ્રેયસ તલપડે, નાના પાટેકર, જેકી શ્રોફ, ડીનો મોરિયા, જેક્લીન ફર્નાન્ડીઝ, નરગીસ ફખરી, સોનમ બાજવા, ચિત્રાંગદા સિંહ, સૌંદર્ય શર્મા, ચંકી પાંડે, જોની લીવર અને નિકિતિન ધીર જેવા કલાકારો છે.
તમને જણાવી દઈએ કે, આ ફિલ્મના અત્યાર સુધીમાં ચાર ભાગ રિલીઝ થઈ ચૂકયા છે અને ચારેય હિટ રહ્યા છે. આવી સ્થિતિમાં, ફેન્સ પાંચમા ભાગની આતુરતાથી રાહ જોઈ રહ્યા છે.