મુંબઈ,તા.૦૩: જો તમે હજુ સુધી પીઢ અભિનેત્રી રેખાની કલ્‍ટ ફિલ્‍મ ‘ઉમરાવ જાન' જોઈ નથી, તો હવે તમે તેને થિયેટરોમાં વધુ સારી ગુણવત્તામાં જોઈ શકો છો. હા, તમે સાચું સાંભળ્‍યું. ૧૯૮૧માં આવેલી રેખા અને ફારૂક શેખની સુપરહિટ ફિલ્‍મ ‘ઉમરાવ જાન' ફરી એકવાર થિયેટરોમાં રિલીઝ થવા જઈ રહી છે. આવી સ્‍થિતિમાં, હવે ફરી એકવાર તમને થિયેટરોમાં રેખાની નજાકત જોવા મળશે.

મુઝફ્‌ફર અલી દ્વારા દિગ્‍દર્શિત બોલિવૂડની કલ્‍ટ ફિલ્‍મ ‘ઉમરાવ જાન' ૨૭ જૂને સિનેમાઘરોમાં ફરીથી રિલીઝ થવા જઈ રહી છે. ફિલ્‍મને 4K માં સારી રીતે રિસ્‍ટોર કરવામાં આવી છે. જેથી ફિલ્‍મની ગુણવત્તા અને પ્રિન્‍ટ સુધારી શકાય.

ફિલ્‍મની પુનઃપ્રદર્શનની ઉજવણી કરવા માટે દિગ્‍દર્શક મુઝફ્‌ફર અલી એક મર્યાદિત આવળત્તિ કોફી ટેબલ બુક પણ લોન્‍ચ કરી રહ્યા છે જે ઉમરાવ જાનના નિર્માણના BTS ને દર્શાવે છે. પુસ્‍તકમાં કયારેય ન જોયેલા ફોટા, કોસ્‍ચ્‍યુમ સ્‍કેચ, કવિતા અને સેટ પરના કેટલાક કિસ્‍સાઓ હશે. સિનેમાપ્રેમીઓ, સિનેમાના વિદ્યાર્થીઓ અને સંસ્‍કળતિ ઉત્‍સાહીઓ માટે રચાયેલ, આ પુસ્‍તક ફિલ્‍મના પ્રી-રિલીઝ વર્ઝન સાથે ઉપલબ્‍ધ રહેશે.

ફિલ્‍મ ‘ઉમરાવ જાન' બોલિવૂડની એક યાદગાર ફિલ્‍મ છે. આ માટે રેખાને શ્રેષ્ઠ અભિનેત્રીનો રાષ્‍ટ્રીય પુરસ્‍કાર પણ મળ્‍યો હતો. ફિલ્‍મની વાર્તાની સાથે, તેના ગીતોને પણ ખૂબ પસંદ કરવામાં આવ્‍યા હતા, જે આજે પણ લોકોના પ્‍લેલિસ્‍ટનો ભાગ છે.(૪૦.૧૩)