મુંબઈ: શુક્રવારનો દિવસ પ્રખ્યાત મલયાલમ અભિનેતા શાઇન ટોમ ચાકો માટે ખૂબ જ દુઃખદ હતો. અભિનેતા અને તેમના પરિવારને ભારે આઘાત લાગ્યો છે. તેમના પિતા સી.પી. ચાકોનું ધર્મપુરી-ઓઝાર નવા હાઇવે પર એક ભયાનક કાર અકસ્માતમાં અવસાન થયું છે. શુક્રવારે સવારે 6 વાગ્યાની આસપાસ, જ્યારે શાઇન અને તેમનો પરિવાર એર્નાકુલમથી બેંગલુરુ કારમાં મુસાફરી કરી રહ્યા હતા ત્યારે આ અકસ્માત થયો હતો.મળતી માહિતી મુજબ, શાઇન ટોમ ચાકોનો પરિવાર, જેમાં તેમના માતાપિતા, ભાઈ અને એક સહાયકનો સમાવેશ થાય છે, એક કારમાં મુસાફરી કરી રહ્યા હતા. પલક્કડ નજીક પલાયુર ખાતે ધર્મપુરી રાષ્ટ્રીય ધોરીમાર્ગ પર તેમની કાર સામેથી આવતી લારી સાથે અથડાઈ હતી. ટક્કર એટલી ગંભીર હતી કે કાર ચાલકે કાબુ ગુમાવ્યો. અકસ્માતમાં શાઇનના પિતા સી.પી. ચાકો (70) નું ઘટનાસ્થળે જ મૃત્યુ થયું.મળતી માહિતી મુજબ, શાઇન ટોમ ચાકો કારના પાછળના ભાગમાં સૂઈ રહ્યા હતા. અભિનેતાને જમણા હાથમાં ફ્રેક્ચર થયું છે, જ્યારે તેની માતા મારિયા કાર્મેલ (65) અને ભાઈને સામાન્ય ઈજાઓ થઈ છે. કારના ડ્રાઈવરની તબિયત સારી છે અને તેને કોઈ ગંભીર ઈજા થઈ નથી.પલક્કડ પોલીસ તાત્કાલિક ઘટનાસ્થળે પહોંચી ગઈ હતી અને મૃતદેહને પોસ્ટમોર્ટમ માટે ધર્મપુરી સરકારી મેડિકલ કોલેજ હોસ્પિટલમાં મોકલી આપ્યો હતો. ઘાયલોને પણ તે જ હોસ્પિટલમાં દાખલ કરવામાં આવ્યા છે જ્યાં શાઈનની સારવાર ચાલી રહી છે. તેમની હાલત સ્થિર હોવાનું કહેવાય છે. જોકે, તેમના હાથની ઈજાને કારણે સર્જરીની જરૂર પડી શકે છે.