વિક્રાંત મેસી અને શનાયાની જામશે જોડીઃ લવ સ્ટોરી ‘આંખો કી ગુસ્તાખિયાં'નું ટીઝર રિલીઝ
પહેલા પોસ્ટર બાદ હવે તેનું ટીઝર રિલીઝ કરવામાં આવ્યું છે, જે પ્રેમ, લાગણીઓ અને સુંદર ક્ષણોથી ભરેલું છે
મુંબઇ તા.૭: ‘આંખો કી ગુસ્તાખિયાં'ના ટીઝરમાં બતાવવામાં આવ્યું છે કે કેવી રીતે બે લોકો અચાનક મળે છે અને તેમની સ્ટોરી શરૂ થાય છે. વધુ વાત કર્યા વિના, હાવભાવ અને સંગીત દ્વારા પ્રેમ ગાઢ બને છે, પરંતુ પાછળથી અંતર પણ દેખાય છે. ટીઝરમાં નળત્ય અને મુસાફરીના કેટલાક દ્રશ્યો આ સંબંધને વધુ ખાસ બનાવે છે.
વાર્તા સંપૂર્ણ રીતે કહેવામાં આવી નથી, પરંતુ એ સ્પષ્ટ છે કે બંને વચ્ચે પ્રેમ છે અને કેટલાક નિર્ણયો તેમને અલગ કરી શકે છે. વિક્રાંત એક ઉત્સાહી પાત્રમાં છે અને શનાયા તેની પહેલી ફિલ્મમાં જ પ્રભાવ પાડે છે. ટીઝરમાં વિશાલ મિશ્રાનું સંગીત અને સુંદર લોકેશન આ પ્રેમકથાને વધુ ખાસ બનાવે છે. આ ફિલ્મ ઝી સ્ટુડિયો અને મીની ફિલ્મ્સ દ્વારા પ્રસ્તુત છે. તેનું નિર્માણ માનસી બાગલા અને વરુણ બાગલા દ્વારા કરવામાં આવ્યું છે, જેનું દિગ્દર્શન સંતોષ સિંહ દ્વારા કરવામાં આવ્યું છે અને વાર્તા પણ માનસી બાગલા દ્વારા લખવામાં આવી છે. આ ફિલ્મ ૧૧ જુલાઈ ૨૦૨૫ ના રોજ સિનેમાઘરોમાં રિલીઝ થશે.
શનાયા કપૂરની ડેબ્યૂ ફિલ્મ હવે ટૂંક સમયમાં આવી રહી છે. આ સાથે, તે બેજોય નામ્બિયારની આગામી ફિલ્મ ‘તુ યા મૈં'નો પણ ભાગ છે, જેમાં આદર્શ ગૌરવ તેની સાથે જોવા મળશે. બીજી તરફ વિક્રાંત મેસીની વાત કરીએ તો તે સતત નવા પ્રોજેક્ટ્સ સાથે પોતાની કારકિર્દીનો વિસ્તાર કરી રહ્યો છે. ‘આંખો કી ગુસ્તાખિયાં' ઉપરાંત, તે વ્હાઇટ નામની બાયોપિકમાં આધ્યાત્મિક ગુરુ શ્રી શ્રી રવિશંકરની ભૂમિકા ભજવતો જોવા મળશે. આ ઉપરાંત, તે રાજકુમાર હિરાનીની આગામી વેબ સિરીઝ પર પણ કામ કરી રહ્યો છે અને એવું જાણવા મળ્યું છે કે તે ફરહાન અખ્તરની ‘ડોન ૩' માટે પણ વાતચીત કરી રહ્યો છે, જેમાં રણવીર સિંહ મુખ્ય ભૂમિકામાં છે.(૩૮.૧૫)