મુંબઇ: અભિનેત્રી તમન્ના ભાટિયા છેલ્લે ફિલ્મ 'ઓડેલા-2' માં જોવા મળી હતી, ત્યારથી દર્શકો તેની આગામી ફિલ્મની રાહ જોઈ રહ્યા હતા. આ વખતે તે કોઈ ફિલ્મ નહીં, પણ વેબ સિરીઝ લઈને આવી રહી છે.તમન્ના ભાટિયાની નવી વેબ સિરીઝ 'ડુ યુ વોના પાર્ટનર'નું ટ્રેલર રિલીઝ થઈ ગયું છે. 'ડુ યુ વોના પાર્ટનર'નું ટ્રેલર બે મિત્રો શિખા (તમન્ના ભાટિયા) અને અનાહિતા (ડાયના પેન્ટી) ની વાર્તા કહે છે. તેઓ પોતાની નોકરીથી કંટાળી ગયા છે અને પોતાનો વ્યવસાય કરવા માંગે છે. પછી તેમને પોતાની બીયર બ્રાન્ડ લોન્ચ કરવાનો એક મજબૂત વિચાર આવે છે. આ માટે તેમને રોકાણકારોની જરૂર છે.તેની શોધમાં, તેઓ એક મહિલા ગેંગસ્ટર (શ્વેતા તિવારી) અને પછી એક માફિયાના ચુંગાલમાં ફસાઈ જાય છે. આ બધાથી છટકીને બંને પોતાની બ્રાન્ડ લોન્ચ કરી શકે છે કે નહીં, આ આ શ્રેણીની વાર્તા છે.આ શ્રેણી ધર્માટિક એન્ટરટેઈનમેન્ટના બેનર હેઠળ બનાવવામાં આવી છે, જેના નિર્માતા કરણ જોહર, આદર પૂનાવાલા અને અપૂર્વ મહેતા છે. તમન્ના ભાટિયાની સાથે ડાયના પેન્ટી, જાવેદ જાફરી, નકુલ મહેતા, શ્વેતા તિવારી, નીરજ કબી, સૂફી મોતીવાલા અને રણવિજય સિંહ પણ મહત્વની ભૂમિકામાં જોવા મળશે.