ગોવિંદાએ ન્યૂજર્સીમાં સ્વામિનારાયણ મંદિરનાં દર્શન કર્યા
વિધિ-વિધાનથી પૂજા કરી : સરળ અને આધ્યાત્મિક અવતારને જોઈને દરેક તેમની પ્રશંસા કરી રહ્યા છે
ન્યૂજર્સી, તા.૧૬: બોલીવુડ અભિનેતા ગોવિંદા હાલમાં અમેરિકામાં છે. ત્યાં થોડો સમય વિતાવ્યા બાદ, તેમણે પોતાના વ્યસ્ત સમયપત્રકમાંથી સમય કાઢીને ન્યૂ જર્સીમાં સ્થિત સ્વામિનારાયણ મંદિરમાં પૂજા કરી. મૌન અને આધ્યાત્મિકતામાં કેટલીક ક્ષણો વિતાવી. તેમના ફોટા સોશિયલ મીડિયા પર વાયરલ થઈ રહ્યા છે, જેમાં તેઓ ભક્તિમાં ડૂબેલા જોવા મળે છે.
આ ફોટામાં, ગોવિંદા હાથ જોડીને સ્વામિનારાયણ મંદિરની બહાર ઉભા છે અને ફોટોગ્રાફી કરાવી રહ્યા છે. તેમનો બીજો ફોટો સામે આવ્યો છે, જેમાં તેઓ વિધિ-વિધાનથી પૂજા કરી રહ્યા છે.
સુનિતા સાથે છૂટાછેડા પર મૌનથી પ્રતિક્રિયા આપીઃ ગોવિંદા તાજેતરમાં જ તેમની પુત્રી ટીનાને કોલેજ લઈ જવા માટે જ્યોર્જિયા ગયો હતો. આ પહેલા તેમણે પત્ની સુનિતા આહુજા સાથે ગણેશ ચતુર્થીમાં હાજરી આપી હતી. તેઓ એકસાથે આવ્યા હતા અને છૂટાછેડાની અફવાઓનો શાંતિથી જવાબ આપ્યો હતો.
ફિલ્મોની વાત કરીએ તો, ગોવિંદા ૨૦૧૯ માં આવેલી ફિલ્મ ‘રંગીલા રાજા' માં જોવા મળ્યો હતો, જેમાં તે ડબલ રોલમાં દેખાયો હતો. ત્યારથી તે પડદાથી દૂર છે. જોકે, તે સોશિયલ મીડિયા પર સક્રિય છે.
ગયા વર્ષે ઓક્ટોબરમાં ગોવિંદાને તેની લાઇસન્સ પ્રાપ્ત રિવોલ્વરથી ગોળી વાગી હતી. સદનસીબે, ગોળી તેના પગને સ્પર્શીને પસાર થઈ ગઈ હતી. તે થોડા દિવસો માટે હોસ્પિટલમાં હતો. બાદમાં તેણે કહ્યું કે બંદૂક સાફ કરતી વખતે અકસ્માત થયો હતો. તે સમયે સુનિતા શહેરની બહાર હતી.