કેટરિના કૈફના ઘરે પારણુ બંધાશેઃ વિકી કૌશલે ફોટો શેર કર્યો
કપલે ઈન્સ્ટાગ્રામ પર એક સુંદર પોસ્ટ શેર કરીઃ ચાહકોએ પાઠવ્યા અભિનંદન
મુંબઈ, તા.૨૩: અભિનંદન... લાંબા સમય સુધી રાહ જોયા પછી, બોલીવુડના પાવર કપલ, કેટરિના કૈફ અને વિકી કૌશલે આખરે ખુશખબર શેર કરી છે. હા, કેટરિના ગર્ભવતી છે અને ટૂંક સમયમાં માતા બનવાની છે. અભિનેત્રીએ સોશિયલ મીડિયા પોસ્ટ દ્વારા પોતાની ગર્ભાવસ્થાની જાહેરાત કરી.
કેટરિના કૈફ અને વિકી કૌશલે તેમના ઇન્સ્ટાગ્રામ હેન્ડલ પર એક સુંદર પોસ્ટ શેર કરી છે. ફોટામાં, કેટરિના કૈફ સફેદ વી-નેકલાઇન બોડીકોન ડ્રેસમાં તેના બેબી બમ્પને ફ્લોન્ટ કરતી જોવા મળે છે. વિકી તેની પ્રિય પત્નીના બેબી બમ્પને પકડીને પોઝ આપતો જોઈ શકાય છે.
વિકી અને કેટરિના ખૂબ ખુશ દેખાઈ રહ્યા છે. માતા બનવાનો આનંદ અને ગર્ભાવસ્થાનો ગ્લો કેટરિનાના ચહેરા પર સ્પષ્ટપણે દેખાય છે. ગર્ભાવસ્થાની પોસ્ટ સાથે દંપતીએ એક હૃદયસ્પર્શી કેપ્શન પણ લખ્યું. કેટરિના અને વિકીએ લખ્યું, આનંદ અને કળતજ્ઞતા સાથે, આપણે આપણા જીવનનો શ્રેષ્ઠ પ્રકરણ શરૂ કરવા જઈ રહ્યા છીએ.
કેટરિના કૈફની ગર્ભાવસ્થાની જાહેરાતની પોસ્ટ સોશિયલ મીડિયા પર વાયરલ થઈ ગઈ હતી. ચાહકો અને સેલિબ્રિટીઓ ખુશ થઈ રહ્યા છે અને આ ખુશખબર સાંભળીને કપલને અભિનંદન આપી રહ્યા છે.