મુંબઈ: કન્નડ ફિલ્મોના સુપરસ્ટાર ઋષભ શેટ્ટીએ ફરી એકવાર સાબિત કરી દીધું છે કે તે બોક્સ ઓફિસના બેતાજ બાદશાહ છે! તેમની ફિલ્મ 'કાંતારા ચેપ્ટર ૧' ૨ ઓક્ટોબર, ૨૦૨૫ ના રોજ રિલીઝ થયા બાદ સતત ધૂમ મચાવી રહી છે. રિલીઝના દસમા દિવસ, એટલે કે શનિવારના આંકડાઓએ બોક્સ ઓફિસ પર સનસનાટી મચાવી દીધી છે.
'કાંતારા ચેપ્ટર ૧' એ તેના ૧૦મા દિવસના કલેક્શન સાથે આ વર્ષની મોટી ફિલ્મ 'સૈયારા'ના ભારતીય નેટ કલેક્શન (રૂ.૩૨૯.૨ કરોડ) ને પાછળ છોડી દીધું છે. આ સાથે, ૧૨૫ કરોડના બજેટમાં બનેલી 'કાંતારા ચેપ્ટર ૧' હવે વર્ષ ૨૦૨૫ ની બીજી સૌથી વધુ કમાણી કરનારી ફિલ્મ બની ગઈ છે.
સેકનિલ્કના પ્રારંભિક અહેવાલો મુજબ, 'કાંતારા ચેપ્ટર ૧' એ ૧૦મા દિવસે જંગી રૂ.૩૭.૦૦ કરોડની કમાણી કરી છે. આ સાથે ભારતીય બોક્સ ઓફિસ પર ફિલ્મનું કુલ કલેક્શન રૂ.૩૯૬.૬૫ કરોડ પર પહોંચી ગયું છે!
ઋષભ શેટ્ટી દ્વારા દિગ્દર્શિત અને અભિનીત આ સિક્વલ ૫,૦૦૦ વર્ષ જૂની દંતકથાઓ પર આધારિત વાર્તા દર્શકોને ખૂબ જ પસંદ આવી રહી છે. ભલે વરુણ ધવન અને જાહ્નવી કપૂરની રોમેન્ટિક કોમેડી-ડ્રામા 'સની સંસ્કારી કી તુલસી કુમારી' આ જ દિવસે રિલીઝ થઈ, પરંતુ તેની 'કાંતારા ચેપ્ટર ૧'ના પ્રદર્શન પર કોઈ અસર થઈ નથી.
'કાંતારા ચેપ્ટર ૧'નું દિવસવાર કલેક્શન:
દિવસ કલેક્શન (રૂ. કરોડ)
દિવસ 1 61.85
દિવસ 2 45.40
દિવસ 3 55.00
દિવસ 4 63.00
દિવસ 5 31.25
દિવસ 6 34.25
દિવસ 7 25.25
દિવસ 8 20.50
દિવસ 9 22.25
દિવસ 10 (પ્રારંભિક) 37.00
કુલ કલેક્શન (પ્રારંભિક) 396.65