મુંબઇઃ સ્‍ત્રી-ર ની સફળતા પછી તેના પાર્ટ 3 ને લઈને ચર્ચા ચાલી રહી છે. મેકર્સે પણ આ અંગે વાત કરી હતી કે હૉરર-કૉમેડી ફ્રેન્ચાઇઝીની સિક્વલની વાર્તા લખાઈ ચૂકી છે, પરંતુ ચાહકો માટે રાહ થોડી લાંબી છે. હવે જે સમાચાર આવી રહ્યા છે તે Stree 3 ના ચાહકોને થોડો નિરાશ કરી શકે છે. જે લોકો રાહ જોઈ રહ્યા છે કે Stree 3 વર્ષ 2026માં રિલીઝ થશે, તેમને હજી થોડી વધુ રાહ જોવી પડશે.

દિનેશ વિજાનના પ્રોડક્શન હાઉસ મેડૉક ફિલ્મ્સે તેની શરૂઆતથી જ દર્શકોને ઉત્તમ કન્ટેન્ટ આપ્યું છે. જેમાં 2009ની લવ આજ કલ અને 2012ની કોકટેલ જેવી ફિલ્મોનો સમાવેશ થાય છે. પરંતુ દિનેશ વિજાનનું નસીબ ત્યારે પલટાયું જ્યારે તેમણે વર્ષ 2018માં Stree માટે દિગ્દર્શક અમર કૌશિક સાથે હાથ મિલાવ્યો. આ જોડીએ બ્લોકબસ્ટર ફિલ્મ આપી અને પછી તેઓ રોકાયા નહીં. આગળ જતાં તેમણે મેડૉક હૉરર કૉમેડી યુનિવર્સનું નિર્માણ કર્યું. આ યુનિવર્સમાં Stree 2 (2024), મુંજીયા (2024), ભેડીયા (2022) અને તાજેતરમાં રિલીઝ થયેલી થામા જેવી ફિલ્મોનો સમાવેશ થાય છે.

હાલમાં જ એક ઇન્ટરવ્યુમાં દિનેશ વિજાને જણાવ્યું હતું કે તેમણે આ સિદ્ધિ કેવી રીતે મેળવી અને મેડૉક હૉરર કૉમેડી યુનિવર્સ કેવી રીતે અસ્તિત્વમાં આવ્યું. વિજાનના જણાવ્યા અનુસાર કોઈક ખૂબ જ સમજદાર વ્યક્તિએ તેમને સલાહ આપી હતી કે જ્યારે તમે ફિલ્મો બનાવી રહ્યા હોવ, ત્યારે તેને એક બૉક્સમાં રાખો. જો તમે અમુક લોકોને ભેગા કરવા માંગતા હો, તો ફિઝિક્સ ન બદલો. આ રીતે યુનિવર્સનો વિચાર આવ્યો.

Stree 3 2026માં રિલીઝ ન થવા પાછળનું મુખ્ય કારણ યુનિવર્સની ફિલ્મોને અલગ રાખવાની કોશિશ છે. ભલે આ યુનિવર્સની દરેક ફિલ્મ કોઈક રીતે જોડાયેલી હોય, પરંતુ દરેક ફિલ્મનું કન્ટેન્ટ એકબીજાથી અલગ હોય છે. મુંજ્યા અને Stree સંપૂર્ણપણે અલગ દુનિયાઓ છે. આ જ કારણ છે કે અમે આવતા વર્ષે 'સ્ત્રી 3' નથી લાવી રહ્યા, જે મોટાભાગના લોકો લાવવા માંગતા હશે. વિજાનના મતે, આ એક સમજદારી ભર્યું પગલું છે અને તેમાં એક સફર છે.

વિજાને સમજાવ્યું કે આ બ્રહ્માંડ (યુનિવર્સ) એક પરિવાર જેવું છે અને તેમાં વિવિધ પ્રકારના પાત્રો છે. કોઈ પણ એક સરખું નથી. ઉદાહરણ તરીકે થામા જોતી વખતે, તમને અહેસાસ થશે કે તે મુંજ્યા જેવું બિલકુલ નથી અને પારિવારિક ડ્રામા પણ અલગ છે. થામા માં પિતા-પુત્રનો સંઘર્ષ 'સ્ત્રી' માં માતા અને પુત્રીના સંઘર્ષ કરતાં ખૂબ જ અલગ છે.