મુંબઈ, તા.૨૭: ટીવીના પ્રખ્‍યાત કપલ, જય ભાનુશાલી અને માહી વિજ, ૧૪ વર્ષના લગ્નજીવન પછી છૂટાછેડા લઈ રહ્યા છે. અહેવાલો દર્શાવે છે કે આ દંપતીએ કોર્ટમાં અરજી દાખલ કરી છે. તેમણે ૨૦૧૧માં લગ્ન કર્યા હતા, અને ત્‍યારથી, તેઓ વારંવાર સોશિયલ મીડિયા પર તેમના પરિવારો સાથે ફોટા અને વીડિયો શેર કરે છે. જય ભાનુશાલી અને માહી વિજ ઉદ્યોગમાં એક પાવર કપલ તરીકે જાણીતા છે. અગાઉ, જુલાઈ-ઓગસ્‍ટમાં બંને વચ્‍ચે છૂટાછેડાના અહેવાલો સામે આવ્‍યા હતા. જોકે, આ દંપતીએ આ મુદ્દે કોઈ નિવેદન આપ્‍યું નથી.એક અહેવાલ મુજબ, જય ભાનુશાલી અને માહી વિજ વચ્‍ચે જુલાઈ-ઓગસ્‍ટથી છૂટાછેડાની અફવાઓ ફેલાઈ રહી છે. એવા અહેવાલો પણ છે કે આ દંપતીએ બાળકોની કસ્‍ટડી લેવાનો નિર્ણય લીધો છે. વધુમાં, અહેવાલો અનુસાર, કોર્ટમાં કેસ દાખલ થયા પછીથી તેઓ અલગ રહી રહ્યા છે. જો કે, આ દંપતીએ અત્‍યાર સુધી આ મુદ્દા પર મૌન સેવ્‍યું છે, અને બંનેમાંથી કોઈએ પણ આ વિશે વાત કરી નથી