મુંબઈ,તા.૦૬: આલિયા ભટ્ટ અને રણબીર કપૂર તેમના ૨૫૦ કરોડ રૂપિયાના નવા ઘરમાં રહેવા ગયા છે. આ દંપતીએ નવેમ્‍બરમાં ઘરે પૂજા કરી હતી. આલિયાએ તાજેતરમાં પૂજાના ફોટા શેર કર્યા છે, જેમાં આલિયા, રણબીર, નીતુ અને રાહા તેમના ઘર માટે હવન કરતા જોવા મળે છે. આ સુંદર ફોટોઝ બતાવે છે કે આ દંપતી એક નવી સફર પર સાથે શરૂઆત કરી રહ્યું છે.

આલિયા ભટ્ટ અને રણબીર કપૂરે હિન્‍દુ વિધિઓ સાથે તેમના નવા ઘરમાં પ્રવેશ કર્યો. આલિયા અને રણબીરે કળશ સ્‍થાપના વિધિ સાથે ઘરની અંદર પહેલું પગલું ભર્યું. નીતુ કપૂર પણ તેના બાળકો સાથે હાજર હતી.

રણબીર કપૂરે પોતાના સ્‍વર્ગસ્‍થ પિતા માટે પોતાના ઘરમાં એક સ્‍પેશ્‍યલ કોર્નર બનાવ્‍યો છે. આ ફોટામાં, રણબીરે પહેલા પોતાના પિતાના આશીર્વાદ માગ્‍યા અને તેમને શ્રદ્ધાંજાલિ આપી.

નીતુ કપૂરે તેમની પુત્રવધૂ આલિયા ભટ્ટને ગળે લગાવી. ફોટામાં તેમના પ્રેમનો ક્ષણ કેદ થયેલ છે. પૃષ્ઠભૂમિમાં ઋષિ કપૂરનો ફોટો અલગ દેખાય છે. આલિયા ભટ્ટે હાઉસવોર્મિગ સમારોહમાં સુંદર ટીશ્‍યુ સિલ્‍ક સાડી પહેરી હતી. તે ગુલાબી સાડીમાં રાણી જેવી લાગી રહી હતી. આ પ્રસંગ માટે તેણે પોતાનો મેકઅપ મિનિમલ રાખ્‍યો હતો. આલિયા ભટ્ટે રાહાનો આખો ફોટો શેર કર્યો નથી, પરંતુ તે તેના નાના હાથમાં ચોખાના દાણા સાથે પૂજા કરતી જોઈ શકાય છે. આલિયા ભટ્ટે રાહા અને રણબીરનો ફોટો શેર કર્યો છે. ક્‍યૂટ રાહા તેના પિતાના ખોળામાં જોવા મળી રહી છે. આ ઘર રણબીર કપૂર અને આલિયા ભટ્ટનું સ્‍વપ્ન ઘર છે, જે ઘણી મહેનત પછી બનાવવામાં આવ્‍યું છે. તેમનું સ્‍વપ્ન સાકાર થયું છે, અને તેમના નવા ઘરમાં એક નવી સફર શરૂ થઈ છે.