૧૨મીએ ૧૫૦૦ પરદા પર ફોર કે પ્રિન્ટમાં રિલીઝ થશે ‘શોલે'
કીતને આદમી થે? ૫૦ વર્ષ પછી ફરી ગુંજશે ગબ્બરનો અવાજઃ દોસ્તીની અનોખી દાસ્તાન, ઠાકુર બલદેવસિંહના બદલાની કહાની કોતરાયેલી છે દરેક ભારતીયના હૃદયમાં : ૧૯૭૫માં આવેલી આ ફિલ્મ ફરી દેશભરમાં થશે રિલીઝઃ આ વખતે ઓરીજીનલ અને અનકટ વર્ઝન માણી શકાશેઃ જય-વીરૂ-બસંતી-રાધા-ગબ્બર-કાલીયા-શાંભા-સુરમા ભોપાલી-અંગ્રેજ કે જમાને કે જેલર, હરિરામ નાઇ સહિતના પાત્રોને નવી પેઢી પણ નિહાળી શકશેઃ જે તે વખતે ‘કટ' થઇ
મુંબઇ તા. ૬: ‘શોલે'...એક એવી ફિલ્મ જે પચાસ વર્ષ પછી પણ દરેક ભારતીયના હૃદય પર કોતરાયેલી છે. ભારતીય સિનેમા જગતની આ સુપરડુપર હિટ ફિલ્મ વધુ એક વખત નવા-જુના ચાહકોને નવા રૂપરંગ સાથે એટલે કે ફોરકે પ્રિન્ટ સાથે ફરીથી જોવા મળશે. ૧૯૭૫માં આ ફિલ્મ રિલીઝ થઇ ત્યારે અનેક દ્રશ્યો કટ કરીને રજૂ કરવામાં આવી હતી. આ વખતે પુરેપુરી અનકટ ફિલ્મ દર્શકો માણી શકશે. આગામી ૧૨મી ડિસેમ્બરે આ ફિલ્મ દેશભરના ૧૫૦૦ પરદાઓ પર એક સાથે રિલીઝ થવાની છે. ફિલ્મની લોકપ્રિયતા આજે પણ એટલી જ છે અને એ માટે જ આ ફિલ્મની કોઇ નવી મોટી ફિલ્મની જેમ જ ૧૫૦૦ પરદા પર રિલીઝ કરવામાં આવશે.
કિતને આદમી થે? તેરા કયા હોગા કાલીયા? તુમ્હારા નામ ક્યા હૈ બસંતી? હમ અંગ્રેજ કે જમાને કે જેલર હૈ, એક એક ડાયલોગ અને દ્રશ્યો જુની પેઢીના ફિલ્મી ચાહકોના હૈયે આજે પણ છે. આ બધુ ફરીથી એક નવા રૂપરંગ સાથે દર્શકોને જોવા મળશે. જે નવી પેઢીએ કદાચ શોલે ફિલ્મ જોઇ નહિ હોય તો ફોરકે વર્ઝનમાં આ ફિલ્મને માણી શકાશે. રમેશ સિપ્પી દ્વારા નિર્દેશીત અને ૧૯૭૫માં આવેલી કલ્ટ ક્લાસીક ફિલ્મ શોલે ફરીથી થીએટરમાં અનકટ વર્ઝન સાથે આવશે.
ભારતીય સિનેમાના ઈતિહાસની સૌથી બ્લોકબસ્ટર અને આઈકોનિક ફિલ્મ ‘શોલે' ફરી એકવાર મોટા પડદા પર ઈતિહાસ રચવા આવી રહી છે. પોતાની રજૂઆતના ૫૦મા વર્ષ એટલે કે ગોલ્ડન જ્યુબિલી વષર્માં આ ફિલ્મ ૧૨ ડિસેમ્બર ૨૦૨૫ના રોજ ફરીથી થિયેટરોમાં રિલીઝ કરવામાં આવશે. વિશેષ વાત એ છે કે આ વખતે દર્શકોને આ ફિલ્મ ફોર-કે રિઝોલ્યુશન, ડોલ્બી ૫.૧ સાઉન્ડ અને અગાઉ કયારેય ન જોયેલા અનકટ દ્રશ્યો સાથે માણવા મળશે.
હિન્દી સિનેમાના ચાહકો માટે એક મોટા અને ખુશીના સમાચાર સામે આવ્યા છે. રમેશ સિપ્પી દ્વારા નિર્દેશિત અને ૧૯૭૫માં રિલીઝ થયેલી કલ્ટ ક્લાસિક ફિલ્મ ‘શોલે' ફરીથી થિયેટરોમાં ધૂમ મચાવવા તૈયાર છે. ટ્રેડ એનાલિસ્ટ તરણ આદર્શે આ અંગે સત્તાવાર જાહેરાત કરતા જણાવ્યું છે કે ‘શોલેઃ ધ ફાઈનલ કટ' ૧૨ ડિસેમ્બર ૨૦૨૫ના રોજ રિલીઝ થશે. આ રિલીઝ એટલા માટે ખાસ છે કારણ કે ફિલ્મ તેના મૂળ ‘ડિરેક્ટર્સ કટ' સ્વરૂપમાં રજૂ થશે, જેમાં સેન્સર બોર્ડ દ્વારા કાપવામાં આવેલા દ્રશ્યોનો પણ સમાવેશ કરવામાં આવ્યો છે.
ફિલ્મના નિર્માતા સિપ્પી ફિલ્મ્સ અને ફિલ્મ હેરિટેજ ફાઉન્ડેશન દ્વારા આ ફિલ્મને અત્યાધુનિક ટેકનોલોજીની મદદથી રિસ્ટોર કરવામાં આવી છે. જૂની પ્રિન્ટને મઠારીને તેને ફોર-કે ક્વોલિટીમાં તબદીલ કરવામાં આવી છે અને સાઉન્ડ સિસ્ટમ્સને ડોલ્બી ૫.૧માં અપગ્રેડ કરવામાં આવી છે, જેથી આજની પેઢીના દર્શકો પણ જય-વીરુની દોસ્તી અને ગબ્બરના ડરનેશ્રેષ્ઠ ગુણવત્તા સાથે માણી શકે. આ ફિલ્મનું વિતરણ પેન મરુઘર દ્વારા કરવામાં આવશે.
૧૫ ઓગસ્ટ ૧૯૭૫ના રોજ જ્યારે આ ફિલ્મ પહેલીવાર રિલીઝ થઈ હતી ત્યારે તેણે બોક્સ ઓફિસના તમામ રેકોર્ડ તોડી નાખ્યા હતા. અમિતાભ બચ્ચન, ધર્મેન્દ્ર, હેમા માલિની, જયા બચ્ચન, સંજીવ કુમાર અને અમજદ ખાન જેવા દિગ્ગજ કલાકારોના અભિનયે આ ફિલ્મને અમર બનાવી દીધી હતી. ખાસ કરીને ગબ્બર સિંહના સંવાદો આજે પણ એટલા જ લોકપ્રિય છે. હવે ૫૦ વર્ષ બાદ આ ફિલ્મનું ‘અનકટ' વર્ઝન દર્શકો માટે એક નવી ભેટ સમાન હશે, કારણ કે થિયેટરમાં પહેલીવાર દર્શકો એવા દ્રશ્યો જોઈ શકશે જે મૂળ રિલીઝ સમયે કાપી નાખવામાં આવ્યા હતા.
ફિલ્મ હેરિટેજ ફાઉન્ડેશનના પ્રયાસોથી ભારતીય સિનેમાના આ અમૂલ્ય વારસાને નવું જીવન મળ્યું છે. ડિજિટલ પ્લેટફોર્મ અને સોશિયલ મીડિયા પર આ સમાચાર આવતાની સાથે જ ચાહકોમાં જબરદસ્ત ઉત્સાહ જોવા મળી રહ્યો છે. ફરી એકવાર સિનેમાઘરોમાં ‘‘કિતને આદમી થે''અને ‘‘યે દોસ્તી હમ નહીં તોડેંગે''જેવા અવાજો ગુંજી ઉઠશે. ૧૨ ડિસેમ્બર ૨૦૨૫ની તારીખ હવે સિનેમા -પ્રેમીઓ માટે એક ઉત્સવ સમાન બની રહેશે.
રામગઢની બદલાની આગ અને દોસ્તીની મિસાલઃ જાણો શોલે ફિલ્મની અમર કહાની અને તેના સર્જન પાછળનો સંઘર્ર્ષં
ભારતીય સિનેમાના ઈતિહાસમાં ‘શોલે' માત્ર એક ફિલ્મ નથી, પરંતુ એક એવો દસ્તાવેજ છે જેણે બોલીવુડની દિશા બદલી નાખી હતી. રામગઢ ગામની વાર્તા, ગબ્બરનો ખોફ, જય-વીરુની અતૂટ દોસ્તી અને ઠાકુરના બદલાની આ કહાની આજે પણ દરેક ભારતીયના હૃદયમાં કોતરાયેલી છે. આ ફિલ્મ બનવા પાછળની મહેનત અને સંઘર્ષની કથા પણ પડદા પરની વાર્તા જેટલી જ રોચક છે.
શોલેની વાર્તા રામગઢ નામના એક નાના ગામની આસપાસ ફરે છે, જ્યાં ડાકુ ગબ્બર સિંહનો આતંક હોય છે. નિવળત્ત પોલીસ અધિકારી ઠાકુર બલદેવ સિંહના આખા પરિવારની ગબ્બર સિંહ નિર્દયતાથી હત્યા કરી નાખે છે અને ઠાકુરના બંને હાથ કાપી નાખે છે. બદલો લેવાની આગમાં સળગી રહેલા ઠાકુર બલદેવ સિંહ બે નાના ગુનેગારો, જય અને વીરુને આ કામ સોંપે છે. પૈસા માટે આવેલા જય અને વીરુ ધીમે ધીમે ગામલોકો સાથે ભળી જાય છે. જેમાં બસંતી નામની ચુલબુલી ઘોડાગાડીવાળી અને ઠાકુરની વિધવા પુત્રવધૂ રાધા સાથેના સંબંધો બંધાય છે. અંતે, ગબ્બર સામેની લડાઈમાં જય પોતાના ત્રણનું બલિદાન આપે છે અને વીરુ ગામને ગબ્બરના ત્રાસમાંથી મુક્ત કરાવે છે. આ વાર્તા બદલો, ત્યાગ અને મિત્રતાનું અનોખું ઉદાહરણ પૂરું પાડે છે.
આ ફિલ્મનું નિર્માણ જી.પી. સિપ્પી દ્વારા કરવામાં આવ્યું હતું અને તેનું દિગ્દર્શન રમેશ સિપ્પીએ કર્યું હતું. આ ફિલ્મની પટકથા પ્રખ્યાત લેખક જોડી સલીમ-જાવેદે લખી હતી. એવું કહેવાય છે કે આ ફિલ્મ હોલીવુડની ‘ધ મેગ્નિફિસન્ટ સેવન' અને જાપાનીઝ ફિલ્મ ‘સેવન સમુરાઈ' પરથી પ્રેરિત હતી, પરંતુ તેને ભારતીય દર્શકોને અનુરૂપ ઢાળવામાં આવી હતી.
ફિલ્મનું શૂટિંગ બેંગલુરુ પાસે આવેલા રામનગરા નામના સ્થળે થયું હતું. ત્યાંના ખડકાળ વિસ્તારને જોઈને રમેશ સિપ્પીએ ત્યાં આખું રામગઢ ગામ ઊભું કર્યું હતું. આ સેટ તૈયાર કરવામાં અને ત્યાં સુધી રસ્તો બનાવવામાં જ મિહનાઓ નીકળી ગયા હતા. ફિલ્મના કાસ્ટિંગ સાથે જોડાયેલા કિસ્સાઓ ખૂબ જ રસપ્રદ છે.
આજે આપણે ગબ્બર સિંહ તરીકે અમજદ ખાન સિવાય બીજા કોઈને કલ્પી શકતા નથી, પરંતુ આ રોલ માટે પહેલા ડેની ડેન્ઝોંગપાની પસંદગી કરવામાં આવી હતી. ડેની તે સમયે ‘ધર્માત્મા' ફિલ્મના શૂટિંગમાં વ્યસ્ત હોવાથી તેમણે આ રોલ જતો કર્યો અને તે અમજદ ખાનના ભાગે આવ્યો. શરૂઆતમાં અમજદ ખાનના અવાજને લઈને સ્ક્રિપ્ટ રાઈટર્સ ખુશ ન હતા, પણ પછીથી તે જ અવાજ ઈતિહાસ બની ગયો. તે જ રીતે શત્રુઘ્ન સિંહાને પણ જયના રોલ માટે વિચારવામાં આવ્યા હતા, પરંતુ છેવટે અમિતાભ બચ્ચનની પસંદગી થઈ હતી.
આ ફિલ્મ બનાવવામાં તે સમયે લગભગ ૩ કરોડ રૂપિયાનો ખર્ચ થયો હતો, જે તે જમાના પ્રમાણે બહુ મોટી રકમ હતી. ફિલ્મને બનતા અઢીથી ત્રણ વર્ષ જેટલો સમય લાગ્યો હતો.
૧૫ ઓગસ્ટ ૧૯૭૫ના રોજ જ્યારે ફિલ્મ રિલીઝ થઈ ત્યારે વિવેચકોએ તેને નકારી કાઢી હતી અને પહેલા અઠવાડિયે તેને ફ્લોપ જાહેર કરવામાં આવી હતી. જોકે, ધીમે ધીમે દર્શકોના પ્રવાહ વધતો ગયો અને આ ફિલ્મ ભારતીય સિનેમાની સૌથી મોટી હિટ સાબિત થઈ.
મુંબઈના મિનર્વા થિયેટરમાં આ ફિલ્મ સતત પાંચ વર્ષ સુધી ચાલી હતી. હવે જ્યારે ડિસેમ્બર ૨૦૨૫માં આ ફિલ્મનું ઓરિજિનલ વર્ઝન આવી રહ્યું છે, ત્યારે દર્શકો તે મૂળ ક્લાઈમેક્સ પણ જોઈ શકશે જે સેન્સર બોર્ડના કારણે ૧૯૭૫માં બદલવો પડયો હતો.
તારીખ ૧૨ ડિસેમ્બર ૨૦૨૫ના રોજ ‘શોલે' ફિલ્મનું ‘ધ ફાઈનલ કટ' વર્ઝન સમગ્ર ભારતમાં અંદાજે ૧૫૦૦ (એક હજાર પાંચસો) સ્ક્રીન્સ પર એક સાથે રિલીઝ કરવામાં આવશે.
સામાન્ય રીતે જૂની ફિલ્મો જ્યારે ફરીથી રિલીઝ થાય છે ત્યારે તે મર્યાદિત થિયેટરોમાં આવતી હોય છે,
પરંતુ ‘શોલે'ની લોકપ્રિયતા એટલી વિશાળ છે કે તેને કોઈ નવી બ્લોકબસ્ટર ફિલ્મની જેમ મોટા પાયે ૧૫૦૦ સિનેમાઘરોમાં રજૂ કરવામાં આવી રહી છે.
અત્યારના ડિજિટલ યુગમાં ‘ફિલ્મ પ્રિન્ટ'ને બદલે ડિજિટલ સ્ક્રીન્સની ગણતરી થતી હોય છે, તેથી આ ફિલ્મ દેશભરના ૧૫૦૦ પડદાઓ પર એકસાથે ગુંજશે. ગયેલા દ્રશ્યો માણી શકાશે