મુંબઈ: તા.૦૬ ટેલિવિઝન પ્રેક્ષકોની પસંદગીના માપદંડ સમાન BARC અઠવાડિયા ૮ નો ટીઆરપી રિપોર્ટ જાહેર થઈ ગયો છે. આ અઠવાડિયે ટીવીના પડદે મોટા ઉલટફેર જોવા મળ્યા છે. એક તરફ જ્યાં દેશમાં T20 વર્લ્ડ કપનો માહોલ જામ્યો છે, તેમ છતાં કેટલીક સિરિયલોએ પોતાની પકડ જાળવી રાખી છે. ખાસ કરીને ‘ક્યુંકી સાસ ભી કભી બહુ થી 2’ શોએ નંબર-1 નું સ્થાન જાળવી રાખીને સાબિત કરી દીધું છે કે જૂની ફ્રેન્ચાઈઝીનો જાદુ આજે પણ અકબંધ છે.

સૌથી વધુ ચોંકાવનારા સમાચાર ‘નાગિન 7’ ના ફેન્સ માટે છે. અત્યાર સુધી ચાર્ટમાં ટોચ પર રહેતી એકતા કપૂરની આ સુપરનેચરલ સિરિયલમાં મોટો ઘટાડો જોવા મળ્યો છે અને તે સીધી આઠમા ક્રમે સરકી ગઈ છે. જોકે, શોની અભિનેત્રી પ્રિયંકા ચહર ચૌધરી હજુ પણ સૌથી વધુ લોકપ્રિય સ્ટાર તરીકે ટોચ પર છે. બીજી તરફ, ‘યે રિશ્તા ક્યા કહેલાતા હૈ’ એ જોરદાર કમબેક કર્યું છે. નવમા સ્થાનેથી સીધી સાતમા સ્થાને પહોંચેલી આ સિરિયલની લોકપ્રિયતામાં મોટો ઉછાળો જોવા મળ્યો છે.

ટોપ-10 ની યાદીમાં ‘તુમ સે તુમ તક’ બીજા સ્થાને અને ‘અનુપમા’ ત્રીજા સ્થાને સ્થિર રહ્યા છે. ‘ગંગા માઈ કી બેટિયાં’ અને ‘વસુધા’ એ પણ ટોપ-5 માં પોતાનું સ્થાન જાળવી રાખ્યું છે. રસપ્રદ વાત એ છે કે, આ વખતે ‘લક્ષ્મી નિવાસ’ નામના નવા શોએ પ્રથમ વખત ટોપ-10 માં એન્ટ્રી કરીને સૌને ચોંકાવી દીધા છે. હાસ્યનો ડોઝ પીરસતી સિરિયલ ‘તારક મહેતા કા ઉલ્ટા ચશ્મા’ નવમા ક્રમે રહી છે.

અઠવાડિયા ૮ ના ટોપ-10 શોની યાદી:

ક્રમ

શો નું નામ

૧

ક્યૂંકી સાસ ભી કભી બહુ થી ૨

૨

તુમ સે તુમ તક

૩

અનુપમા

૪

ગંગા માઈ કી બેટિયાં

૫

વસુધા

૬

ઉડને કી આશા

૭

યે રિશ્તા ક્યા કહેલાતા હૈ

૮

નાગિન ૭

૯

તારક મહેતા કા ઉલ્ટા ચશ્મા

૧૦

લક્ષ્મી નિવાસ