મુંબઈ: જો તમે એવું વિચારતા હોવ કે T20 વર્લ્ડ કપ ૨૦૨૬ના રોમાંચ પછી તમારું મનોરંજન ઓછું થઈ જશે, તો OTT જાયન્ટ નેટફ્લિક્સ (Netflix) તમારી આ ચિંતા દૂર કરવા માટે સજ્જ છે. આ અઠવાડિયે નેટફ્લિક્સ પર ૭ થી ૧૪ માર્ચ દરમિયાન એવા ૬ શાનદાર પ્રોજેક્ટ્સ રિલીઝ થઈ રહ્યા છે, જે સસ્પેન્સ, એક્શન અને ડ્રામાના શોખીનો માટે કોઈ ટ્રીટથી ઓછા નથી. ચાલો જાણીએ આ અઠવાડિયે તમારે કયા શો અને ફિલ્મો પર નજર રાખવી જોઈએ.
૧. Nobody 2 (રિલીઝ: ૧૪ માર્ચ)
'Nobody' ની પ્રચંડ સફળતા બાદ બોબ ઓડનકિર્ક ફરી એકવાર તેના એક્શન અવતારમાં પાછો ફર્યો છે. આ ફિલ્મમાં હચ તેના પરિવાર સાથે આરામદાયક વેકેશન માણી રહ્યો હોય છે, પણ તેનો જૂનો દુશ્મન તેના જીવનને નરક બનાવવા માટે એન્ટ્રી મારે છે. એક્શનના ચાહકો માટે આ ફિલ્મ મસ્ટ-વોચ છે.
૨. તે રાત (That Night) (રિલીઝ: ૧૩ માર્ચ)
એક સિંગલ મધરની આ વાર્તા છે જે એક ટાપુની સફર દરમિયાન અજાણતા મર્ડર કેસમાં ફસાઈ જાય છે. તેની બહેનો તેને બચાવવા માટે મેદાનમાં ઉતરે છે, પરંતુ મામલો ઉકેલવાને બદલે વધુ જટિલ બનતો જાય છે. સસ્પેન્સ અને ફેમિલી ડ્રામાનો આ અદભૂત સમન્વય છે.
૩. મેડ ઇન કોરિયા (Made in Korea) (રિલીઝ: ૧૨ માર્ચ)
તમિલનાડુના એક નાના શહેરની મહિલાનું સપનું છે દક્ષિણ કોરિયા જવાનું. જ્યારે તે ત્યાં પહોંચે છે, ત્યારે તેને અજાણ્યા દેશની સંસ્કૃતિ અને વાતાવરણમાં અનુકૂળ થવામાં આવતા સંઘર્ષોની આ એક ભાવનાત્મક ગાથા છે.
૪. લવ ઇઝ બ્લાઇન્ડ: ધ રિયુનિયન (Love is Blind) (રિલીઝ: ૧૧ માર્ચ)
સીઝન ૧૦ ના અંત પછી, પ્રેક્ષકો જેની આતુરતાથી રાહ જોઈ રહ્યા છે તે 'રિયુનિયન' એપિસોડ આવી રહ્યો છે. લગ્ન પછી યુગલોની સ્થિતિ શું છે અને તેમણે કયા રહસ્યો છુપાવ્યા હતા, તે બધું જ આ હાઈ-વોલ્ટેજ ડ્રામા શોમાં જોવા મળશે.
૫. ધ મેન ઇન ધ હાઇ કેસલ (The Man in the High Castle) (રિલીઝ: ૧૧ માર્ચ)
એક એવી કાલ્પનિક દુનિયાની કલ્પના કરો જ્યાં બીજા વિશ્વયુદ્ધમાં નાઝી જર્મની અને જાપાનની જીત થઈ હોય અને તેમણે અમેરિકા પર કબજો કર્યો હોય. આ અનોખી વાર્તાની ચારેય સીઝન ૧૧ માર્ચથી એકસાથે સ્ટ્રીમ થવાની છે.
૬. લુઇસ થેરોક્સ: ઇનસાઇડ ધ મેનોસ્ફિયર (રિલીઝ: ૧૧ માર્ચ)
જો તમને સત્ય ઘટનાઓ અને ઇન્વેસ્ટિગેટિવ ડોક્યુમેન્ટરી ગમતી હોય, તો લુઇસ થેરોક્સની આ તપાસ તમારા માટે છે. તે વિશ્વના વિવાદાસ્પદ ઇન્ફ્લુએન્સર્સ અને તેમની પાછળના સત્યને બેબાક રીતે ઉજાગર કરે છે.