હૈદરાબાદ: ભારતીય સિનેમામાં છેલ્લા કેટલાક વર્ષોથી દક્ષિણ ભારતીય ફિલ્મોનો એકહથ્થુ શાસન જોવા મળી રહ્યો છે. ખાસ કરીને 'પુષ્પા ૨' ની રિલીઝ બાદ બોક્સ ઓફિસના તમામ જૂના સમીકરણો બદલાઈ ગયા છે. IMDb દ્વારા જાહેર કરવામાં આવેલી તાજેતરની યાદી મુજબ, દક્ષિણ ભારતની ફિલ્મોએ બોલીવુડને પાછળ પાડીને વૈશ્વિક સ્તરે ડંકો વગાડ્યો છે. આ યાદીમાં પ્રથમ સ્થાન મેળવનાર ફિલ્મનું કલેક્શન સાંભળીને તમે પણ દંગ રહી જશો.
'પુષ્પા' ના પુષ્પરાજનો રેકોર્ડબ્રેક દબદબો
અલ્લુ અર્જુન અને રશ્મિકા મંદન્નાની ફિલ્મ 'પુષ્પા ૨: ધ રૂલ' આ યાદીમાં પ્રથમ સ્થાને બિરાજમાન છે. આ ફિલ્મે તેના ઓપનિંગ ડે પર જ અધધ ₹૨૬૪ કરોડની કમાણી કરીને ભારતીય સિનેમાના ઇતિહાસમાં એક નવું સીમાચિહ્ન સ્થાપિત કર્યું છે. આ ફિલ્મે 'RRR' અને 'બાહુબલી' જેવી બ્લોકબસ્ટર ફિલ્મોને પણ પાછળ છોડી દીધી છે.
પ્રભાસ: બોક્સ ઓફિસનો અસલી 'બાહુબલી'
રસપ્રદ વાત એ છે કે ટોપ-૧૦ ની યાદીમાં સુપરસ્ટાર પ્રભાસની એક-બે નહીં પણ કુલ ૪ ફિલ્મો સામેલ છે. 'બાહુબલી ૨' (₹૨૧૪ કરોડ) ત્રીજા સ્થાને, 'કલ્કી ૨૮૯૮ એડી' (₹૧૯૧ કરોડ) ચોથા સ્થાને, 'સલાર' (₹૧૭૮ કરોડ) પાંચમા સ્થાને અને 'સાહો' (₹૧૩૦ કરોડ) નવમા સ્થાને છે. આ આંકડા સાબિત કરે છે કે પ્રભાસની ફેન ફોલોઈંગ પાન-ઈન્ડિયા લેવલે કેટલી મજબૂત છે.
ટોપ-૧૦ ફિલ્મોનું ઓપનિંગ ડે કલેક્શન:
ક્રમ    ફિલ્મનું નામ    કમાણી (કરોડમાં)    મુખ્ય કલાકારો
૧    પુષ્પા ૨    ₹૨૬૪    અલ્લુ અર્જુન, રશ્મિકા
૨    RRR    ₹૨૨૩    જુનિયર NTR, રામ ચરણ
૩    બાહુબલી ૨    ₹૨૧૪    પ્રભાસ, અનુષ્કા શેટ્ટી
૪    કલ્કી ૨૮૯૮ એડી    ₹૧૯૧    પ્રભાસ, અમિતાભ બચ્ચન
૫    સલાર    ₹૧૭૮    પ્રભાસ, પૃથ્વીરાજ
૬    KGF ૨    ₹૧૬૪    યશ, સંજય દત્ત
૭    લીઓ    ₹૧૪૬    વિજય, ત્રિશા
૮    દેવરા ભાગ ૧    ₹૧૪૦    જુનિયર NTR, જ્હાન્વી કપૂર
૯    સાહો    ₹૧૩૦    પ્રભાસ, શ્રદ્ધા કપૂર
૧૦    ૨.૦    ₹૧૦૦    રજનીકાંત, અક્ષય કુમાર
આ યાદીમાં જુનિયર NTR અને વિજય જેવા સુપરસ્ટાર્સની ફિલ્મોએ પણ મજબૂત હાજરી નોંધાવી છે. જે રીતે સાઉથની ફિલ્મો ₹૨૦૦ કરોડથી વધુનું ઓપનિંગ મેળવી રહી છે, તે જોતા આગામી સમયમાં ભારતીય સિનેમા વિશ્વ સ્તરે નવા રેકોર્ડ્સ બનાવશે તે નક્કી છે.