આ સપ્તાહ OTT પર ડ્રામા, કોમેડી અને પ્રેરણાદાયી કહાનીઓનું મિશ્રણ
ધ તાજ સ્ટોરીથી લઇને એસ્પિરિયન્સ અને ઝૂટોપિયા સહિતની ફિલ્મ અને સિરીઝ આવશે
મુંબઇ તા.૧૬: આ અઠવાડિયે પ્રાઇમ વિડિયો, જિયો હોટસ્ટાર અને લાયન્સગેટ પ્લે પર એસ્પિરન્ટ્સ સીઝન ૩, ધ તાજ સ્ટોરી અને ધ મેડિસન જેવાં નવાં ટાઇટલ્સ રિલીઝ થવા જઈ રહ્યાં છે, જે દર્શકોને વિકએન્ડ દરમિયાન વિવિધ પ્રકારનું કન્ટેન્ટ જોવાની તક આપશે.
આ તમિલ ફિલ્મ એક રૂમ સર્વિસ બોયની કહાની પર આધારિત છે, જે ૧૨મા ધોરણમાં નિષ્ફળ ગયો છે પરંતુ જીવનમાં કંઈક મોટું કરવાની ઈચ્છા રાખે છે. એક ભવ્ય બીચસાઇડ રિસોર્ટમાં કામ કરતી વખતે તે ધીમે ધીમે પોતાના આત્મવિશ્વાસ અને હિમતના બળે રસોડાની કડક હાયરાર્કીને પડકારવાનું શરૂ કરે છે.
નવી સિઝનમાં અભિલાષની કહાની આગળ વધે છે. એએલસી સંદીપ ઓહલાન દ્વારા લગાવવામાં આવેલા આરોપો બાદ તેની વિરુદ્ધ તપાસ શરૂ થાય છે, જેના કારણે તેની કારકિર્દી અને દીપા, ગુરી, ધૈર્ય, એસકે અને સંદીપ સાથેના વ્યક્તિગત સંબંધો જોખમમાં મુકાઈ જાય છે. બીજી તરફ, યુવાન અભિલાષ આઈઆરએસ પરીક્ષા પાસ કર્યા પછી એક છેલ્લા પ્રયાસ તરીકે આઈએએસ પરીક્ષા આપવાનો નિર્ણય કરે છે અને મુખર્જી નગરમાં નવા મિત્રો અને સ્પર્ધકો સાથે તૈયારી શરૂ કરે છે.
આ ફિલ્મ ધ બ્રધર્સ મેકમુલેનની ઘટનાથી લગભગ ત્રણ દાયકાઓ પછીની કહાની રજૂ કરે છે. હવે પચાસની આસપાસ પહોંચેલો બેરી મેકમુલેન પોતાના વીસેક વર્ષના બાળકો સાથે જટિલ રોમેન્ટિક સંબંધોની વચ્ચે જીવન સંભાળવાનો પ્રયત્ન કરે છે. બીજી તરફ તેનો ભાઈ પેટ્રિક અને વિધવા ભાભી મોલી પણ પોતાના જીવનમાં અચાનક ઊભા થયેલા પડકારોનો સામનો કરે છે.
આ ફિલ્મ એક એવા માણસની કહાની રજૂ કરે છે, જે તાજ મહેલના નિર્માણ સાથે જોડાયેલા મુદ્દા પર કાનૂની લડત શરૂ કરે છે. આ કથામાં ઇતિહાસ, ચર્ચા અને કોર્ટરૂમ ડ્રામાનું રસપ્રદ મિશ્રણ જોવા મળશે.
શેલ ફાઇફર અને કર્ટ રસેલ અભિનિત આ સિરીઝમાં ધનાઢ્ય ક્લાઇબર્ન પરિવારની કહાની દર્શાવવામાં આવી છે. ન્યૂ યોર્ક સિટીના જીવનમાંથી દૂર જઈ તેઓ મોન્ટાનાના મેડિસન રિવર વેલીમાં રહેવા જાય છે. એક દુઃખદ ઘટના પછી પરિવારને પોતાના દુઃખ સાથે જીવવાનું શીખવું પડે છે અને અમેરિકાના કઠિન પﾍમિ વિસ્તારમાં નવી શરૂઆત કરવાની કોશિશ કરવી પડે છે.
ઝૂટોપિયા ૨માં જ્યુડી હોપ્સ અને નિક વાઇલ્ડ ફરી એકવાર સાથે મળીને રહસ્યમય ગુનેગાર ગેરી ડી'સ્નેકને શોધવાનાં મિશનમાં નીકળે છે. તપાસ દરમિયાન તેમને શહેરની ક્લાઇમેટ વોલ્સ સામે રચાયેલી એક મોટી સાજિશનો પર્દાફાશ થાય છે. આ સફરમાં તેમને ચીફ બોગો અને ભ્રષ્ટ લિક્સલીઝ તરફથી અનેક ખતરાઓનો સામનો કરવો પડે છે. જ્યુડી અને નિક શહેરના નવા અને જોખમી વિસ્તારોમાંથી પસાર થતાં આ રહસ્ય ઉકેલવાની દોડમાં લાગી જાય છે. ફિલ્મના હિન્દી વર્ઝનમાં અભિનેત્રી શ્રદ્ધા કપૂરએ જ્યુડી હોપ્સને પોતાનો અવાજ આપ્યો છે.