મુંબઇ તા.૨: ‘ધુરંધર : ધ રિવેન્‍જ'ની રિલીઝને હવે ૪૦ દિવસથી વધુ સમય થઈ ગયો છે, પરંતુ દર્શકોના મનમાં હજી પણ ફિલ્‍મની જબરદસ્‍ત એક્‍શન અને ધમાકેદાર સીનની છાપ સચવાયેલી છે. ફિલ્‍મના ક્‍લાઇમેક્‍સમાં દેખાડવામાં આવેલા વિશાળ ટેન્‍કર-વિસ્‍ફોટનું લ્લશ્‍ય આજે પણ ચર્ચામાં છે. હાલમાં ફિલ્‍મના સ્‍પેશ્‍યલ ઇફેક્‍ટ સુપરવાઇઝર વિશાલ ત્‍યાગીએ આ ક્‍લાઇમેક્‍સ સીનના શૂટ વિશે ખુલાસો કર્યો કે આ સીન સંપૂર્ણપણે અસલી હતો અને એમાં કોઈ પણ પ્રકારની ઇફેક્‍ટનો ઉપયોગ કરવામાં આવ્‍યો નહોતો. આ શૂટનો અનુભવ જણાવતાં વિશાલ ત્‍યાગીએ કહ્યું હતું કે ક્‍લાઇમેક્‍સના એક્‍શન સીન માટે ૫૦૦ લીટર પેટ્રોલ અને અનેક કિલો વિસ્‍ફોટક સામગ્રીની જરૂર પડી હતી. આ બધાની વચ્‍ચે રણવીર સિહે સંપૂર્ણ નિર્ભયતાથી પોતાનો શોટ આપ્‍યો હતો. આદિત્‍ય ધર વિસ્‍ફોટનાં દ્રશ્‍યોમાં સ્‍પેશ્‍યલ ઇફેક્‍ટનો ઉપયોગ કરવા માગતો નહોતો. તેણે બધાને સંપૂર્ણ ક્રીએટિવ સ્‍વતંત્રતા આપી હતી.