મુંબઇ તા.૧૫: અર્શદ વારસીએ હાલમાં પોતાની વર્ષો જૂની દુકાન વેચી દીધી છે અને એમાંથી કરોડો રૂપિયાનો નફો મેળવ્‍યો છે. મળતી માહિતી પ્રમાણે અર્શદે અંધેરી-પﾍમિ સ્‍થિત લોખંડવાલા કોમ્‍પ્‍લેક્‍સમાં આવેલી પોતાની દુકાન ૬.૨૫ કરોડ રૂપિયામાં વેચી છે. અર્શદે આ દુકાન ૨૦૧૨માં ૨.૧૨ કરોડ રૂપિયાથી વધુ કિમતે ખરીદી હતી અને એટલે આ ડીલમાંથી ત્રણ ગણો નફો મેળવ્‍યો છે. આ દુકાન લોખંડવાલા કોમ્‍પ્‍લેક્‍સની ગ્રેનવિલ કો-ઑપરેટિવ હાઉસિગ સોસાયટી લિમિટેડના ગ્રાઉન્‍ડ ફલોર પર આવેલી છે અને એનો કાર્પેટ એરિયા ૬૮૪ સ્‍ક્‍વેર ફુટ છે. અર્શદે જ્‍યારે ૧૪ વર્ષ પહેલાં આ દુકાન ખરીદી હતી ત્‍યારે તેણે એના માટે ૩૦ હજાર રૂપિયાની રજિસ્‍ટ્રેશન-ફી અને ૧૦ લાખ રૂપિયાથી વધુની સ્‍ટેમ્‍પ-ડ્‍યુટી ચૂકવી હતી.

અર્શદ વારસીની અન્‍ય મિલકતોની વાત કરીએ તો વર્સોવામાં તેનો એક લક્‍ઝરી બંગલો છે. આ ઉપરાંત નોર્થ ગોવામાં તેની ૧૫૦ વર્ષ જૂની પોર્ટુગીઝ વિલા પણ છે જેને તેણે રિસ્‍ટોર કરાવી છે. આ વિલાનું નામ ‘કાસા ઝેન' છે. આ વિલાનો ઉપયોગ હોલિડે સ્‍ટે તરીકે પણ કરવામાં આવે છે. રિપોર્ટ મુજબ અહીં રહેવાનું ભાડું પ્રતિ રાત ૭૫ હજાર રૂપિયા છે.