મુંબઈ, તા.10: બોલીવુડનું સૌથી ચર્ચિત અને લોકપ્રિય પાવર કપલ દીપિકા પાદુકોણ (Deepika Padukone) અને રણવીર સિંહ (Ranveer Singh) હાલમાં પોતાના જીવનના સૌથી સુંદર તબક્કા એટલે કે પેરેન્ટહૂડની ક્ષણો માણી રહ્યા છે. તાજેતરમાં સોશિયલ મીડિયા પર સામે આવેલા દીપિકાના ગ્લેમરસ અને એલિગન્ટ ફોટોશૂટે નેટીઝન્સ અને ફેન્સનું ધ્યાન ખેંચ્યું છે, જેમાં આ કપલે ખાસ સરપ્રાઈઝ આપીને સૌના દિલ જીતી લીધા છે.

દુઆ પાદુકોણ સિંહ સાથેની પ્રેમાળ ક્ષણો વાઈરલ

સોશિયલ મીડિયા પર વાઈરલ થઈ રહેલા આ ફોટોઝમાં દીપિકાનો ક્લાસિક અંદાજ, રણવીર સાથેની સિઝલિંગ કેમિસ્ટ્રી અને તેમની લાડકવાઈ દીકરી દુઆ પાદુકોણ સિંહ (Dua Padukone Singh) સાથેની પ્રેમાળ ક્ષણો જોવા મળી રહી છે. ફોટોશૂટમાં દીપિકા અત્યંત ગ્રેસફુલ આઉટફિટ્સ, મિનિમલ જ્વેલરી અને નેચરલ ગ્લો સાથે જોવા મળી રહી છે, જ્યારે રણવીર સિંહ હંમેશની જેમ પોતાના ખાસ જેન્ટલમેન અંદાજમાં રોમેન્ટિક પોઝ આપતો નજરે પડે છે.

બોલિવૂડ સેલેબ્સે વરસાવ્યો પ્રેમ

આ તસવીરો સામે આવતા જ ફેન્સ અને બોલિવૂડ ઈન્ડસ્ટ્રીના દિગ્ગજોએ કપલ પર પ્રેમનો વરસાદ વરસાવ્યો છે. આલિયા ભટ્ટ, પ્રિયંકા ચોપરા, કેટરીના કૈફ સહિતના દિગ્ગજ કલાકારોએ કમેન્ટ સેક્શનમાં હાર્ટ ઈમોજી મૂકીને દીકરી દુઆ અને પાવર કપલ માટે શુભકામનાઓ પાઠવી છે.