‘બિગ બોસ ૨૦'ના પ્રોમોથી સલમાનની તબિયતની ફેન્સને ચિંતા
‘બિગ બોસ ૨૦'ના પ્રોમોમાં સલમાન ખાનને છાતીમાં દુખાવો થતો હોય તેમ દેખાતા ચાહકો ચિંતિત થયાઃ સલમાને ઇન્સ્ટાગ્રામ પર આપી સ્પષ્ટતા
મુંબઇ તા.૨૧: ‘બિગ બોસ ૨૦'ના નવા પ્રોમોએ સલમાન ખાનના ચાહકોને ચિતામાં મૂકી દીધા હતા. ૧૯ સપ્ટેમ્બરે સામે આવેલા પ્રોમોમાં સલમાન મંચ પર છાતીમાં દુખાવો થતો હોય તેમ દેખાયા હતા. તેઓ છાતી પકડીને નીચે સૂતા અને તબીબને બોલાવવાનું કહેતા જોવા મળ્યા હતા. આ લ્લશ્ય જોયા પછી સલમાનની તબિયત ખરેખર ખરાબ છે કે શું, એવી ચિતા ચાહકોમાં ફેલાઈ હતી. થોડી જ વારમાં આ પ્રોમો ઇન્સ્ટાગ્રામ સહિતના સોશિયલ મીડિયા પર ઝડપથી વાયરલ થયો હતો. લોકોએ સલમાનના સ્વાસ્થ્ય માટે શુભેચ્છા પાઠવવાનું શરૂ કર્યું હતું. જોકે હવે સલમાને પોતે જ આ આખી વાત પાછળનું સત્ય જણાવી દીધું છે.
સલમાને મોડી રાત્રે ઇન્સ્ટાગ્રામ પર લખીને જણાવ્યું કે ઈશ્વરની કૃપાથી તેમની તબિયત એકદમ સારી છે. તેમણે કહ્યું કે પ્રોમો જે રીતે તૈયાર કરવામાં આવ્યો હતો, તે રીતે થવો જોઈતો ન હતો. તેમના કહેવા પ્રમાણે આ લ્લશ્યનો મૂળ હેતુ કંઈક બીજું હતું. ઘરમાં કાઝી તૌકીરે મજાક માટે પોતાની તબિયત ખરાબ હોવાનું નાટક કર્યું હતું. ઘરના બીજા ૧૫ સભ્યોને તેની જાણ ન હોવાથી તેઓ ખરેખર ચિતામાં મુકાઈ ગયા હતા. સલમાન આ જ વાત કાઝીને સમજાવવા માગતા હતા. પરંતુ પ્રોમોમાં લ્લશ્યને ટૂંકાવીને રજૂ કરાતા લોકોને સલમાનની તબિયત ખરાબ હોવાનું લાગ્યું. સલમાને આ રીતે પ્રોમો બનાવાયો તે બદલ ચાહકોની માફી પણ માગી હતી. બાદમાં તેમણે જણાવ્યું કે કાર્યક્રમના બનાવનારોએ પ્રોમોમાં સુધારો કરી દીધો છે. ત્યાર બાદ નવો પ્રોમો પણ બહાર પાડવામાં આવ્યો હતો.
આ તરફ ‘વીકએન્ડ કા વાર' દરમિયાન સલમાનનો ગુસ્સો પણ જોવા મળ્યો હતો. તેમણે કલાકારોના લૂકને લઈને સોશિયલ મીડિયા પર ટિપ્પણી કરતા લોકોને જવાબ આપ્યો હતો. ખાસ કરીને મહિલા કલાકારોના લૂકને લઈને થતી ખરાબ ટિપ્પણીઓ સામે તેમણે નારાજગી દર્શાવી હતી. પોતાના ટાલવાળા લૂકને લઈને પણ સલમાન છેલ્લા કેટલાક સમયથી થતી વાતોનો સામનો કરી રહ્યા છે. આ વાતનો જવાબ આપવા તેમણે મંચ પર પોતાની ટોપી અને ટી-શર્ટ ઉતારી દીધી હતી. આ રીતે તેમણે બતાવ્યું કે લોકો શું કહે છે તેની તેમને ખાસ ચિતા નથી. તેમણે કલાકારોના લૂક અંગે કોઈને પણ અયોગ્ય રીતે વાત ન કરવાની અપીલ કરી હતી. સલમાનની આ વાત પછી તેમના ચાહકોમાં પણ ચર્ચા જોવા મળી હતી. તેમની તબિયતને લઈને થયેલી ચિતા બાદ હવે સલમાને પોતે જ બધું સ્પષ્ટ કરી દીધું છે. તેથી ચાહકો માટે પણ તેમની તબિયત અંગેની ચિંતા દૂર થઈ છે. હાલ ‘બિગ બોસ ૨૦' જિયો હોટસ્ટાર પર જોઈ શકાય છે. આ કાર્યક્રમ કલર્સ ટીવી પર પણ આવે છે.