નવી દિલ્હી : સપ્ટેમ્બરનો આખરી સપ્તાહ સિનેમા અને વેબ સિરીઝના શોખીનો માટે અત્યંત રોમાંચક બનવા જઈ રહ્યો છે. ઓટીટી (OTT) પ્લેટફોર્મ્સ પર એક પછી એક મોટી ફિલ્મો અને વેબ સિરીઝનો જમાવડો થવાનો છે. જો તમે પણ આ અઠવાડિયે ઘરે બેઠા ઉત્સુકતાથી ભરેલું મનોરંજન માણવા માગતા હોવ, તો તારીખો નોંધવાનું ભૂલતા નહીં. આ અઠવાડિયે Netflix, Amazon Prime Video, Jio Hotstar અને Zee5 પર ૯ મોટી ફિલ્મો અને સિરીઝ રિલીઝ થવા માટે સજ્જ છે.

 

૧. હુંકાર: ધ રોર (Hankaar: The Roar)

પ્રિયંકા ચોપરાના 'પર્પલ પેબલ પિક્ચર્સ' અને એપ્લોઝ એન્ટરટેઈનમેન્ટ દ્વારા નિર્મિત આ સોશિયલ-કોર્ટરૂમ થ્રિલરમાં અનિત પદ્દા ૧૭ વર્ષની સગીર છોકરી મીનુ રાવતના ડાર્ક અને તીવ્ર પાત્રમાં જોવા મળશે. તે એક શક્તિશાળી ધાર્મિક નેતા "બાપજી" (સુનિલ ચકોસી) સામે ગંભીર આરોપો મૂકે છે. ફાતિમા સના શેખ, મોહમ્મદ ઝીશાન અયુબ અને અર્જુન માથુર અભિનીત આ સિરીઝ ૨૫ સપ્ટેમ્બરે Jio Hotstar પર આવશે.

 

૨. શાક (Shak)

બોલિવૂડ અભિનેત્રી પરિણીતી ચોપરા આ સસ્પેન્સ-મિસ્ટ્રી સિરીઝ દ્વારા ડિજિટલ સ્ટ્રીમિંગમાં ડેબ્યૂ કરી રહી છે. વાર્તા એક એવી માતાની છે જેની નવજાત બાળકી ૯ વર્ષ પહેલાં હોસ્પિટલમાંથી ગાયબ થઈ ગઈ હતી. જેનિફર વિંગેટ, તાહિર રાજ ભસીન, સોની રાઝદાન અને સુમિત વ્યાસની મુખ્ય ભૂમિકા ધરાવતી આ સિરીઝ ૨૪ સપ્ટેમ્બરે Netflix પર ધમાકો કરશે.

 

૩. ડોન્ટ બી શાય (Don't Be Shy)

આલિયા ભટ્ટ અને શાહીન ભટ્ટના 'એટરનલ સનશાઇન પ્રોડક્શન્સ' હેઠળ બનેલી આ એક રોમેન્ટિક-કોમેડી ફિલ્મ છે, જેમાં આરુષિ બજાજ, અંશ દુગ્ગલ અને પીયૂષ ખાટી જેવા યુવા કલાકારો મિત્રતા અને આકર્ષણની વાર્તા રજૂ કરશે. આ ફિલ્મ ૨૫ સપ્ટેમ્બરે Prime Video પર રિલીઝ થશે.

 

૪. રાઈઝ એન્ડ ફોલ સીઝન ૨ (Rise & Fall Season 2)

પૂર્વ ભારતીય ક્રિકેટર વીરેન્દ્ર સેહવાગ દ્વારા હોસ્ટ કરવામાં આવતો રિયાલિટી શો 'રાઈઝ એન્ડ ફોલ' પોતાની બીજી સીઝન સાથે પાછો ફરી રહ્યો છે. ૧૫ સ્પર્ધકો વચ્ચે રમાનારો આ પાવર-ગેમ શો ૨૬ સપ્ટેમ્બરથી Jio Hotstar પર સ્ટ્રીમ થશે.

 

૫. ટોક્સિક: અ ફેરી ટેલ ફોર ગ્રોન-અપ્સ (Toxic)

દક્ષિણના સુપરસ્ટાર યશ, નયનતારા, કિયારા અડવાણી અને તારા સુતારિયા અભિનીત મચ-અવેટેડ ફિલ્મ 'ટોક્સિક' હવે થિયેટરો બાદ ઓટીટી પર દસ્તક આપી રહી છે. આ એક્શન-ડ્રામા ફિલ્મ ૨૫ સપ્ટેમ્બરે Zee5 પર પ્રસારિત થશે.

 

૬. આગાધા (Aagadha)

અલૌકિક શક્તિઓ અને રહસ્યથી ભરેલી આ હોરર થ્રિલર સિરીઝ મહાદેવી નામના પાત્રની આસપાસ ફરે છે, જે પોતાના પરિવારને એક ભયાનક ગુફા અને 'આગાધા' નામની દૈત્ય શક્તિથી બચાવવા લડે છે. આ થ્રિલર ૨૫ સપ્ટેમ્બરે Jio Hotstar પર આવશે.

 

આ ઉપરાંત, દક્ષિણ આફ્રિકન ડ્રામા સિરીઝ 'બ્લડ લેગસી સીઝન ૨' (૨૪ સપ્ટેમ્બર - Netflix), મિડલ ક્લાસ પરિવારની રમુજી અંધાધૂંધી દર્શાવતી 'બકૈતી સીઝન ૨' (૨૫ સપ્ટેમ્બર - Zee5) અને બ્રાઝિલિયન લીગલ ડ્રામા 'હેબિયસ કોર્પસ' (૨૩ સપ્ટેમ્બર - Netflix) પણ આ અઠવાડિયે મનોરંજનનો તડકો લગાવશે.