સાધ્વી મમતા કુલકર્ણીનો 90'Sના બોલિવૂડ ગીતો પર ડાન્સ
મમતા કુલકર્ણીના ડાન્સ વીડિયોએ જગાવી ચર્ચા : આધ્યાત્મિક માર્ગ અપનાવ્યા બાદ અભિનેત્રીએ ‘શ્રી યમાઈ મમતા નંદ ગિરી' નામ ધારણ કર્યું હતું. જોકે, રાજસ્થાન ફિલ્મ ફેસ્ટિવલમાં મમતાને તેના ૯૦ના દાયકાના લોકપ્રિય ગીતો પર ડાન્સ કરતી જોઈને નેટીઝન્સ આﾍર્યચકિત અને મૂંઝવણમાં મુકાઈ ગયા
જયપુર,તા.૨૮: જાન્યુઆરી ૨૦૨૫માં મહા કુંભ મેળા દરમિયાન સંન્યાસ લઈને સાધ્વી બનેલી ૫૪ વર્ષીય બોલિવૂડ અભિનેત્રી મમતા કુલકર્ણી ફરી એકવાર સોશિયલ મીડિયા પર ચર્ચાનું કેન્દ્ર બની છે. આધ્યાત્મિક માર્ગ અપનાવ્યા બાદ અભિનેત્રીએ ‘શ્રી યમાઈ મમતા નંદ ગિરી‘ નામ ધારણ કર્યું હતું. જોકે, રાજસ્થાન ફિલ્મ ફેસ્ટિવલમાં મમતાને તેના ૯૦ના દાયકાના લોકપ્રિય ગીતો પર ડાન્સ કરતી જોઈને નેટીઝન્સ આﾍર્યચકિત અને મૂંઝવણમાં મુકાઈ ગયા છે.
વાયરલ થયેલા વીડિયોમાં મમતા તેના કેટલાક સૌથી લોકપ્રિય ગીતો પર ડાન્સ કરતી જોવા મળે છે, જેમાં ‘ઘાતક‘ ફિલ્મનું ‘કોઈ જાયે તો લે આયે‘, ‘કરણ અર્જુન‘નું ‘એક મુંડા મેરી ઉમર કા‘ અને ‘સબસે બડા ખિલાડી‘નું ‘લંબા લંબા ઘૂંઘટ‘ સામેલ છે. આ કાર્યક્રમ માટે તેણે જાંબલી રંગનો જમ્પસૂટ પહેર્યો હતો; આ દેખાવ તેના પરંપરાગત સાડી અને ભગવા વષોથી એકદમ અલગ હતો, જે તે આધ્યાત્મિક માર્ગ અપનાવ્યા પછી અવારનવાર પહેરતી જોવા મળતી હતી. તેના લૂક અને ડાન્સ પરફોર્મન્સે ઓનલાઇન પ્રતિક્રિયાઓનું મોજું સર્જ્યું છે. ઘણા સોશિયલ મીડિયા યુઝર્સે તેના સંન્યાસ લેવાના નિર્ણય અને જૂના ગીતો પર પરફોર્મ કરવા માટે પાછા ફરવા અંગે સવાલો ઉઠાવ્યા છે.
કેટલાક યુઝર્સે લખ્યું, માતા નાચી રહી છે! જ્યારે અન્ય એકે ટિપ્પણી કરી, આ તો સાધ્વી બની ગઈ હતી ને? એક યુઝરે પૂછ્યું, યોગિનીમાંથી ફરી હિરોઈન બની ગઈ? બીજા એકે લખ્યું, શું થયું, સંન્યાસ છોડી દીધો? અન્ય પ્રતિક્રિયાઓમાં સામેલ હતું આ તો સંન્યાસી બની ગઈ હતી ભાઈ, મોહ-માયા ક્યાં ગયા? અને સાધ્વી બનીને પણ નાચી રહી છે. એક સોશિયલ મીડિયા યુઝરે એવી પણ ટિપ્પણી કરી કે, હવે સારી લાગી રહી છે, ખોટી રીતે સંન્યાસી બની ગઈ હતી. આમ, મમતાના બદલાયેલા રૂપ અને ડાન્સના વીડિયોએ ઓનલાઇન ઘણી ચર્ચા જગાવી છે. આધ્યાત્મિક માર્ગ અપનાવ્યાના સમાચાર પછી તેને ગ્લેમરસ અવતારમાં જોઈને ઘણા યુઝર્સે આﾍર્ય વ્યક્ત કર્યું છે. જોકે, અત્યાર સુધી મમતા કુલકર્ણીએ આ વાયરલ વીડિયો કે તેના વિશેની ટિપ્પણીઓ પર જાહેરમાં કોઈ પ્રતિક્રિયા આપી નથી.
એક સમયે બોલિવુડમાં પોતાની ગ્લેમરસ છબિ માટે જાણીતી મમતા કુલકર્ણી ફરી એક વાર ચર્ચામાં આવી ગઈ છે. મમતાએ થોડા સમયથી આધ્યાત્મિક જીવન અપનાવ્યું છે અને તે જાહેરમાં પણ સાધ્વીના લુકમાં જોવા મળે છે. જોકે હાલમાં તે બહેનપણીઓ સાથે ગ્લેમરસ લુકમાં ફરવા માટે ગોવા ઊપડી ગઈ હતી. મમતાએ તેની બહેનપણીઓ સાથેના આ વિડિયો સોશ્યલ મીડિયામાં શેર પણ કર્યા છે. ગોવાની આ ટ્રિપ દરમ્યાન મમતા સંપૂર્ણ રીતે પોતાના જૂના અંદાજમાં જોવા મળી રહી છે. આ સિવાય મમતાએ હાલમાં લગભગ પચીસ વર્ષ બાદ ટીવી પર પણ કમબેક કર્યું હતું અને તે ‘લાફટર શેફ ૩'ના સેટ પર પણ જોવા મળી હતી