Gujarati News

કંગનાનો વિડીયો વાયરલ : મુંબઇ, તા. ૧૩ : અભિનેત્રી કંગના અને શિવસેના વચ્ચે ચાલી રહેલી લડાઈ વચ્ચે કંગનાએ આખા બોલીવૂડને ડ્રગના મામલે નિશાના પર લીધું છે. ૯૦ ટકા બોલિવૂડ ડ્રગ્સ લે છે તેવું અગાઉ કહેનાર કંગનાનો એક જૂનો વિડિયો સોશ્યલ મીડિયા પર વાયરલ થઈ રહ્યો છે.જેમાં કંગના સ્વીકારી રહી છે કે, એક સમયે હું ડ્રગ એડિક્ટ હતી. હું ૧૫ વર્ષની વયે ઘરેથી ભાગી ગઈ હતી.બાદમાં હું ફિલ્મ સ્ટાર બની ગઈ હતી પણ શરુઆતમાં હું ડ્રગ એડિક્ટ હતી.મારી જિદંગીમાં કેટલાય કાંડ થયા છે.હું એવા લોકોની સોબતમાં હતી જેના કારણે મને તકલીફ થઈ હતી.

કંગનાની ડ્રગ એડિક્ટ હોવાની કબૂલાત પણ નવો વિવાદ સર્જે તેમ લાગી રહ્યુ છે.કારણકે આ વિડિયો સામે આવ્યા બાદ લોકો અલગ અલગ રીતે રિએક્ટ કરી રહ્યા છે. કંગના અગાઉ પણ કહી ચુકી છે કે, હું એ પાર્ટીઓમાં જઈ ચુકી છું જ્યાં કોકેનનો વ્યાપક ઉપયોગ થતો હતો.