Gujarati News

નવી દિલ્હી,તા.૧૪: સંસદનું એક અનોખું સત્ર સોમવારે શરૂ થયું છે. , જેમાં સાંસદો મુલાકાતીઓની ગેલેરીમાં પ્લાસ્ટિક શીટથી સેપરેટ થઈ અને માઇક્રોફોન સાથે બેસશે, વિઝિટર ગેલેરીમાં વ્યકિતગત બેઠકો પર માઇક નથી, જયારે લોકસભા અને રાજયસભાની મુખ્ય ચેમ્બરમાં 'સપ્રમાણ' માત્રામાં રાજકીય પક્ષોનું પ્રતિનિધિત્વ રહેશે.

ભારતીય સંસદના ઇતિહાસમાં આ પહેલીવાર છે જયારે સત્ર યોજવા માટે બંને ભવનોને સંકલિત કરવામાં આવ્યા છે.

રાજકીય પક્ષોને મુખ્ય ભવનો અને મુલાકાતીઓની ગેલેરીઓમાં ચોક્કસ બેઠકો ફાળવી આપવામાં આવી છે. હવે તેમના કયા સાંસદો કઈ જગ્યાએ બેસશે તે જે તે પક્ષે નક્કી કરવાનું રહેશે. જોકે, આ કોઈ મોટી સમસ્યા ન રહે કારણ કે સંસદની કાર્યવાહી શરૂ થઈ રહી છે તેથી હાજરી ખૂબ જ ઓછી હોઈ શકે છે.

તાત્કાલિક કામકાજ લોકસભામાં બે મેડિકલ સંબંધિત બિલ છે, જયારે ઉપલા ગૃહમાં ડેપ્યુટી ચેરપર્સનની ચૂંટણી જોવા મળશે, જેમાં જેડી(યુ)ના હરિવંશ આરજેડીના મનોજ ઝા સામે એનડીએના ઉમેદવાર તરીકે ચૂંટણી લડશે, જેઓ કોંગ્રેસ અને અન્ય નોન-એનડીએ પાર્ટીના ઉમેદવાર છે.

સંસદ સચિવાલયે સાંસદોને એનઆઈસી દ્વારા વિકસાવવામાં આવેલી એપ્લિકેશન - અટેન્ડન્સ રજિસ્ટર મારફત તેમની હાજરીને ડિજિટલ રીતે નોંધાવવાનો વિકલ્પ આપ્યો છે.

ચોમાસું સત્રમાં ૧ ઓકટોબર સુધી સતત ૧૮ બેઠકો રહેશે, જે દરમિયાન ૪૫ બિલ્સ, બે ફાઇનાન્સિયલ આઇટમ્સ અને ૧૧ વટહુકમો હાથ પર લેવામાં આવશે છે. ભારતના ૧૩મા રાષ્ટ્રપતિ પ્રણવ મુખર્જીના અવસાન અંગે મૌખિક ઉલ્લેખ કરવામાં આવશે, જે બાદ બંને ગૃહો પોતાનું કામ શરું કરશે તેવી અપેક્ષા છે, જોકે વિરોધ પક્ષો વિવિધ મુદ્દાઓ પર અનેક સ્થગિત નોટિસો રજૂ કરવાની યોજના ધરાવે છે. બંને ગૃહો સાપ્તાહિક રજા વગર દરરોજ ચાર કલાક બેસી કામ કરશે.

બંને ગૃહોને પ્રશ્નકાળ વિના ચલાવવાની મંજૂરી આપવા અને ખાનગી સભ્યોના બિલ્સ પર ચર્ચા કરવાની મંજૂરી આપવા માટે દરખાસ્તો હાથ ધરવાની છે. જેમાં વિરોધ પક્ષો તરફથી વિરોધ થવો જોઈએ કે સંસદના એક મહત્વપૂર્ણ ભાગ પ્રશ્નકાળને રદ કરવામાં આવી રહ્યો છે. ભાજપના સૂત્રોએ કહ્યું કે, અનસ્ટાર્ડ પ્રશ્નોના જવાબ રજૂ કરવામાં આવશે અને વિવિધ રાજયોની વિધાનસભાઓએ પણ આવી જ પદ્ઘતિઓ અપનાવી છે.

સંસદની છેલ્લી બેઠક ૩૧ જાન્યુઆરીથી ૧૧ ફેબ્રુઆરી સુધી બજેટ સત્ર માટે મળી હતી. કોવિડ-૧૯ના કારણે એક સાંસદ બીમાર હોવાના અહેવાલ બાદ તેમાં ઘટાડો કરવામાં આવ્યો હતો અને તેમના સંપર્કમાં આવેલા લોકો અંગે ચિંતા વ્યકત કરી હતી.

સ્વાસ્થ્ય મંત્રી હર્ષવર્ધન બંને ગૃહોમાં કોવિડ-૧૯ના સ્થિતિ પર નિવેદન આપશે. પ્રિસાઇડિંગ અધિકારીઓ માસ્ક અને ફેસ શીલ્ડના ઉપયોગને જોતાં સાંસદો સાથે અલગ રીતે વ્યવહાર કરશે. હવે જોવાનું એ રહે છે કે વિરોધ કરવા માટે સાંસદો પહેલાની મારફત વેલમાં દોડી જશે કે શું? કારણ કે તે સોશિયલ ડિસ્ટન્સિંગના નિયમોનું ઉલ્લંદ્યન થશે.

લોકસભા અધ્યક્ષ ઓમ બિરલાએ રવિવારે સંસદ ભવનના સ્વાસ્થ્ય અને સુરક્ષા પગલાંની જાણકારી લીધી હતી અને અધિકારીઓને સંસદ ભવનના દરેક દરવાજા પર તૈનાત દરેક કર્મચારીને સેનિટાઇઝર્સ પ્રદાન કરવાની સૂચના આપી હતી. તૈયારી જોયા બાદ બિરલાએ જણાવ્યું હતું કે, 'સત્ર પહેલાં તમામ સાંસદો અને તેમના પરિવારના સભ્યોએ કોવિડ-૧૯ ટેસ્ટ કરાવ્યા છે અને તેમને સેનિટિયર્સ, માસ્ક, ગ્લોવ્ઝ અને અન્ય સ્વાસ્થ્ય સંબંધિત સામગ્રીની કિટ આપવામાં આવી છે.

લોકસભા ભવનમાં ૨૫૭ સભ્યો અને લોકસભાની ગેલેરીમાં ૧૭૨ સાંસદોની બેઠક વ્યવસ્થા હશે. ૬૦ સભ્યોને રાજયસભાની ચેમ્બરમાં બેસવાની વ્યવસ્થા કરવામાં આવી છે અને ૫૧ સભ્યો ગેલેરીમાં બેસશે.

આ બેઠકો જે તે પક્ષોના ચૂંટાયેલા સાંસદોની સંખ્યાની દ્રષ્ટીએ આપવામાં આવી છે. જેમ કે કોંગ્રેસના ૫૧ સાંસદો પૈકી ૩૨ સાંસદોને લોકસભાની ચેમ્બરમાં બેસવા દેવામાં આવશે.