Gujarati News

બિકાનેરઃ- બિકાનેર જિલ્લાના લુંકરનસરથી એક ચોંકાવનારો કિસ્સો સામે આવ્યો છે, જેના પછી વિસ્તારના લોકો ગભરાઈ ગયા છે. 16 એપ્રિલના રોજ સવારે જ્યારે અહીંના લોકો જાગ્યા, ત્યારે તેઓએ જોયું કે ગામના એક ખેતરની જમીન લગભગ 80 થી 100 ફૂટ સુધી ધસી ગઈ છે

 જ્યાં આ ઘટના બિકાનેર જિલ્લાના લુંકરણસરના સહગ્રાસર ગામમાં બની હતી એક ખેડૂત આજે તેના ખેતરમાં પહોંચ્યો ત્યારે તેણે જોયું કે તેના ખેતરની લગભગ એક થી દોઢ વીઘા જમીન અંદર ધસી ગઈ હતી. આ ખાડામાં આજુબાજુના વૃક્ષો અને રસ્તો બધો જ ડૂબી ગયો હતો. આ પછી તેણે આસપાસના લોકોને આ અંગે જાણ કરી અને બધા જ ઘટનાસ્થળે પહોંચ્યા. ઘટનાની માહિતી મળતાં જ પોલીસ પ્રશાસન સહિત અનેક અધિકારીઓને તૈનાત કરાયા હતા

   સામાન્ય રીતે, જમીન ધસી જવાની ઘટનાઓ માત્ર ખાણોવાળા વિસ્તારોમાં જ બને છે. પરંતુ આશ્ચર્યની વાત એ છે કે આ વિસ્તારમાં કોઈ ખાણો નથી. અહીંના લોકો ખેતી કરીને જ પોતાનું ગુજરાન ચલાવે છે. હાલ આ વિસ્તારમાં જમીન ધસી પડતા લોકોમાં ભયનો માહોલ છે. જમીન ધસી જવાના આ મામલે તપાસ બાદ જ ખબર પડશે કે જમીન અચાનક કેવી રીતે ડૂબી ગઈ. આવી સ્થિતિમાં, ઘણા લોકો અનુમાન લગાવી રહ્યા છે કે અહીં એક કૂવો હતો, તે ડૂબી ગયો. આવી સ્થિતિમાં હવે માહિતી મળી રહી છે કે આ જમીનમાં ખાડાઓ ઉંડા થઈ રહ્યા છે. ભૂસ્તરશાસ્ત્રીઓ ઘટનાસ્થળે પહોંચી ગયા છે, જેઓ સમગ્ર મામલાની તપાસ કરી રહ્યા છે.