સેમિકન્‍ડક્‍ટર ચિપ્‍સ બનાવવા હજારો એન્‍જિનિયરો તેમના ‘વતનમાં' પાછા ફરશે!

News of Thursday, 25th April 2024

સેમિકન્‍ડક્‍ટર ચિપ્‍સ બનાવવા હજારો એન્‍જિનિયરો તેમના ‘વતનમાં' પાછા ફરશે!

વિશ્વભરની સેમિકન્‍ડક્‍ટર કંપનીઓમાં ટોચના હોદ્દા પર કામ કરતા ૨૦ થી ૨૫ ટકા વ્‍યાવસાયિકો ભારતીય છે. આમાંથી ઘણા દેશ પરત ફરશે : ભારતે સેમિકન્‍ડક્‍ટર ઉત્‍પાદન માટે $૧૦ બિલિયનના પ્રોત્‍સાહનની જાહેરાત કરી છેઃ ભારતે સેમિકન્‍ડક્‍ટર ઉત્‍પાદન માટે $૧૦ બિલિયનના પ્રોત્‍સાહનની જાહેરાત કરીઃ આ માટે, એક સમર્પિત ટાસ્‍કફોર્સ ઇન્‍ડિયા સેમિકન્‍ડક્‍ટરની રચના કરવામાં આવી

નવી દિલ્‍હી,તા.૨૫: ઈલેક્‍ટ્રોનિક્‍સ બાદ હવે ભારત સરકારનો ભાર દેશને સેમિકન્‍ડક્‍ટર હબ બનાવવા પર છે. વિદેશી સેમિકન્‍ડક્‍ટર કંપનીઓને દેશમાં આકર્ષવા માટે સરકારે $૧૦ બિલિયનના પ્રોત્‍સાહનની જાહેરાત કરી છે. સરકારને આશા છે કે એશિયા અને અમેરિકામાં કામ કરતા હજારો ભારતીય સેમિકન્‍ડક્‍ટર એન્‍જિનિયરો સ્‍વદેશ પરત ફરશે અને દેશની નવી હાઇ-ટેક ક્રાંતિમાં ભાગ લેશે. સેમિકન્‍ડક્‍ટર કંપનીઓ પાસેથી મળેલી માહિતીના આધારે સરકારે આ અનુમાન લગાવ્‍યું છે. આઇટી મંત્રી અશ્વિની વૈષ્‍ણવે જણાવ્‍યું હતું કે, વિશ્વભરની સેમિકન્‍ડક્‍ટર કંપનીઓમાં ટોચના હોદ્દા પર કામ કરતા ૨૦% થી ૨૫% વ્‍યાવસાયિકો ભારતીય છે. અમને આશા છે કે તેમાંથી ઘણા ભારત પરત આવશે. આઈટી મંત્રાલયના ટોચના અધિકારીએ જણાવ્‍યું કે, વિદેશમાં કામ કરતા યુવાનો સાથે અનુભવી પ્રતિભાઓ ભારતમાં આવશે. અમેરિકામાં કામ કરતા મોટાભાગના ભારતીય એન્‍જિનિયરો જેઓ દેશમાં પાછા ફરવા માંગે છે તે યુવાનો છે. જયારે તાઇવાન, સિંગાપોર અને મલેશિયાથી પાછા ફરવા ઇચ્‍છુક ઇજનેરોની ઉંમર ૪૫ વર્ષથી વધુ છે અને ખૂબ જ અનુભવી છે. યુએસમાં કામ કરતા વરિષ્ઠ અને અનુભવી સેમિકન્‍ડક્‍ટર પ્રોફેશનલ્‍સ દેશમાં પાછા ફરવા માંગતા નથી કારણ કે તેઓ તેમના પરિવારો સાથે ત્‍યાં સ્‍થાયી થયા છે, એમ અધિકારીએ જણાવ્‍યું હતું. પરંતુ ઘણા વર્ષોથી એશિયન દેશોમાં કામ કરતા એન્‍જિનિયરો ભારત પાછા ફરવા માંગે છે અને નવી તકો શોધી રહ્યા છે ટાટા ઇલેક્‍ટ્રોનિક્‍સ તાઇવાનના વ્‍યાવસાયિકોને સામેલ કરવામાં વ્‍યસ્‍ત છે જેઓ સેમિકન્‍ડક્‍ટર બનાવવામાં નિષ્‍ણાત છે. કંપનીએ તાજેતરમાં તાઈવાનના સિંચુ કાઉન્‍ટીમાં ચિપ ઉત્‍પાદન માટે પ્રતિભાને આકર્ષવા માટે રોડ શો યોજયો હતો. કંપની ઓટોમેશન એન્‍જિનિયર્સથી માંડીને ૭ પ્રકારના વ્‍યાવસાયિકોને ભારતમાં લાવવાનું વિચારી રહી છે, જેમની પાસે આ ક્ષેત્રોમાં ૫ થી ૧૮ વર્ષનો કામ કરવાનો અનુભવ છે. ટાટા ઈલેક્‍ટ્રોનિક્‍સે તાઈવાનની ચિપ કંપની PSMC સાથે ટેક્‍નોલોજી માટે કરાર કર્યા છે, જયાં કંપનીના કર્મચારીઓ ૧૮ મહિના સુધી તાલીમ લઈ શકશે. વિશ્વના મોટાભાગના એન્‍જિનિયરો ભારતમાંથી આવે છે પરંતુ તેમની પાસે સેમિકન્‍ડક્‍ટર બનાવવાનો અનુભવ નથી. તેથી, કંપનીઓએ વિશ્વભરમાંથી વરિષ્ઠ પ્રતિભાઓને ભારતમાં લાવવી પડશે અને અહીં પણ ટેલેન્‍ટ પૂલ બનાવવો પડશે. અનુભવી પ્રશિક્ષિત એન્‍જિનિયરોની અછત, ભારતમાં જટિલ વહીવટી માળખું અને ઈલેક્‍ટ્રોનિક્‍સ ઘટકોની આયાત પરની ઊંચી ડ્‍યૂટીને કારણે તાઈવાની કંપનીઓ ભારતમાં રોકાણ કરવામાં અચકાઈ શકે છે. નિષ્‍ણાતોએ જણાવ્‍યું હતું કે એક-બે કંપનીઓના આવવાથી મામલો ઉકેલાશે નહીં. આઇસ ડિઝાઇન, ટેસ્‍ટિંગ, પેકેજિંગ અને મટિરિયલ સપ્‍લાય સહિતની સમગ્ર સપ્‍લાય ચેઇન ભારતમાં આવવી પડશે, તો જ સફળતા મળશે. ચિપ ઉદ્યોગમાં નોકરીની તકો વધી રહી છે કંપની ભરતીની તૈયારી, ટાટા ઇલેક્‍ટ્રોનિક્‍સ ૪૭,૦૦૦, માઈક્રોન ટેકનોલોજી ૫,૦૦૦, SRAM અને MRAM ૫,૦૦૦, કીન્‍સ ટેકનોલોજી ૨,૦૦૦ (દેશમાં ચિપ મેન્‍યુફેક્‍ચરિંગ માટે ચાર નિર્માણાધીન એકમોમાં પ્રતિભાઓની માંગ વધી છે)