Gujarati News

તસ્વીરમાં દાતાઓની વચ્ચે સરપંચશ્રી શૈલેષભાઇ ખાતરા પેવર બ્લોકનું લોકાર્પણ કરી રહ્યા છે અને પ્રાર્થના હોલ પણ નજરે પડે છે. (અહેવાલ - તસ્વીર : અશોક પટેલ)(૪૫.૩)

(અશોક પટેલ દ્વારા) મોવિયા તા.૭ : કૈલાશધામના વિકાસનું સ્વપ્ન સમસ્ત ગ્રામજનોના સહયોગથી નિર્માણ પામેલુ અનેક સુવિધાથી સાકાર થયુ છે. કૈલાસ ધામ ખાતે અત્યાર સુધીમાં પાંચ લાખ રૂપિયાના ખર્ચે મેદાનમાં પેવર બ્લોક બેસાડવામાં આવેલ છે. આ કાર્ય પુર્ણ થતા દાતાઓની ઉપસ્થિતિમાં ગામના સરપંચશ્રી શૈલેષભાઇ ખાતરાના હસ્તે લોકાર્પણ કરવામાં આવ્યુ હતુ.

ગ્રામપંચાયતે કૈલાસધામમાં એલઇડી લાઇટો પણ ફીટ કરી આપેલ છે. આ લોકાર્પણ પ્રસંગે સહકારી મંડળીના પ્રમુખ જગદીશભાઇ ગોલ પણ હાજર રહ્યા હતા. આ તકે પેવર બ્લોકનું કાર્ય પુર્ણ થતા ભીખાભાઇ ગોલ, લાલજીભાઇ પાનસુરીયા તેમજ બાલુભાઇ માયાણી વગેરેએ દાતાઓ તથા કૈલાસ સમિતિને બિરદાવી અભિનંદન પાઠવ્યા હતા.