Gujarati News

Gujarati News

News of Thursday, 17th September 2020

મોરબીમાં પાંચ લાખ ભરેલો થેલો મૂળ માલિકને પરત કર્યો

મોરબીમાં એક પ્રેરણાદાયી કિસ્સો બન્યો : ભાવેશભાઈએ બેગની માલિકીની ખરાઈ કરી રોકડ ૫ લાખ ભરેલી બેગ મૂળ માલિક મહેશભાઈને પરત કરી હતી

મોરબી,તા.૧૫ : હાલ કોરોના મહામારીને કારણે લોકોના રોજગાર ધંધા બરાબર ચાલતા નથી એની સામે આપણને ઘણી જ લૂંટફાટનાં કિસ્સાઓ સાંભળવા મળતા હોય છે. ત્યારે મોરબીમાં એક પ્રેરણાદાયી કિસ્સો બન્યો છે. મોરબીના એક વ્યક્તિએ પાંચ લાખ ભરેલી બેગ મૂળ માલિકને પરત કરીને પોતાની પ્રામાણિકતાની સુવાસ ફેલાવી છે. આ અંગે મળતી માહિતી પ્રમાણે, ટંકારાના બંગાવડીની સરકારી હાઈસ્કૂલના પ્રિન્સિપાલ અને મોરબી શહેરમાં ધર્મલાભ સોસાયટીમાં રહેતા  ભાવેશભાઈ કરમશીભાઈ જીવાણી તા. ૧૪  સપ્ટેમ્બરના રોજ સાંજે મોરબીના શનાળા રોડ પર મહેશ હોટલ પાસેથી એક થેલો મળ્યો હતો

            જે બેગમાં રોકડ રકમ રૂ. ૫ લાખની સાથે એક કારની ચાવી અને ડાયરી હતી. જેના નંબર સાથે મેસેજ વાયરલ કરતા મીડિયાના માધ્યમ દ્વારા આ બેગના મૂળ માલિક મહેશભાઈ નરશીભાઈ શેરસીયા (શ્રીજી સ્ટીલ, લાતી પ્લોટ-૬)એ ભાવેશભાઈનો સંપર્ક કર્યો હતો. ભાવેશભાઈએ બેગની માલિકીની ખરાઈ કરી રોકડ ૫ લાખ ભરેલી બેગ મૂળ માલિક મહેશભાઈને પરત કરી હતી. આ તકે આટલી મોટી રકમ પરત કરવા બદલ મહેશભાઈએ ભાવેશભાઈનો આભાર વ્યક્ત કર્યો હતો હાલના સમયમાં જયારે અવારનવાર ઓનલાઇન ફ્રોડ કે ઉછીના પૈસા પાછા ન આપવા જેવા પૈસાની છેતરપિંડીના અનેક કિસ્સાઓ જોવા-સાંભળવા મળતા હોય છે.

(8:11 pm IST)
  • દેશના પ્રધાનમંત્રી નરેન્દ્ર મોદી આજે 70 વર્ષના થયા છે. દેશભરમાં ભારતીય જનતા પાર્ટી PM મોદીના જન્મદિવસને 'સેવા સપ્તાહ' તરીકે મનાવી રહી છે. આ સાથે જ દિગ્ગજ નેતાઓ દ્વારા PM મોદીને જન્મદિવસની શુભેચ્છાઓ પાઠવવામાં આવી રહી છે. રાષ્ટ્રપતિ રામનાથ કોવિંદથી લઇને ગૃહમંત્રી અમિત શાહ, રક્ષા મંત્રી રાજનાથસિંહ, કોંગ્રેસ નેતા રાહુલ ગાંધી અને અન્ય મોટા નેતાઓએ પીએમ મોદીને જન્મદિવસની શુભેચ્છા પાઠવી. access_time 9:17 am IST

  • પેટ્રોલ ડીઝલના ભાવમાં સતત પાંચમા દિવસે ઘટાડો : પેટ્રોલમાં 25 પૈસા અને ડીઝલનાં ભાવમાં પ્રતિ લિટરે 38 પૈસાનો ઘટાડો : નવો ભાવ સવારે છ વાગ્યાથી લાગુ થશે. access_time 11:34 pm IST

  • " સર કટા શકતે હૈ ,લેકિન સર ઝુકા શકતે નહીં " : હું ક્ષત્રિયાણી છું : સ્વમાનના ભોગે સિદ્ધાંતમાં બાંધછોડ નહીં કરું : રાષ્ટ્રના સન્માન માટે અવાજ ઉઠાવીશ : રાષ્ટ્રવાદી તરીકે જીવીશ : જયહિન્દ : કંગના રનૌતનું ટ્વીટ access_time 1:00 pm IST